Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасы силаһлы гүввәләринин Али Баш Команданынын көмәкчиси вә мүшавири дејиб: Иран Ислам Республикасынын нүфузу бу ҝүн Аралыг дәнизинә чатыб.
Ҝенерал-мајор Јәһја Рәһим Сәфәви ҹүмә ахшамы Тәбризин Инҹәсәнәт Университетиндә АБШ һөкумәтинин үзләшдији дахили вә бејнәлхалг проблемләрә ишарә едәрәк, дејиб: Истефа далғасы АБШ-ын тамаһкар вә ҹинајәткар һөкумәтинин сүгут етмәкдә олан гүдрәтинин нишанәсидир.
Ҝенерал-мајор Сәфәви дејиб: АБШ ҹидди игтисади проблем илә үз-үзәдир. Вә елә буна ҝөрә дә Чин АБШ-дан өнә кечәрәк, 2030-ҹу илә кими дүнјанын биринҹи игтисади гүдрәтинә чевирмәк истәјир.
О, АБШ-ын реҝиондакы бөјүк сәһвләринә ишарә едәрәк, дејиб: АБШ-ын Әфганыстан вә Ирага һүҹуму јанлыш һәрәкәт иди. Бу мүһарибәләрә 11 трилјон доллар вәсаит хәрҹләнди. Вә Әфганыстан мүһарибәси АБШ ордусунун 20 мин һәрбчисинин өлмәси вә јараланмасына сәбәб олду.
Ҝенерал-мајор Рәһим Сәфәви Ислам Ингилабынын Бөјүк Рәһбәринин АБШ-ын Асијанын гәрбиндән чыхмасына даир тәкидләринә ишарә едәрәк, дејиб: Ираг президентинин Ејнүл Әсәд һава базасында АБШ президенти Доналд Трамп илә ҝөрүшдән имтина етмәси АБШ-ын артыг һәмин Америка олмадығына дәлаләт едир.
Диггәт: Хәбәрдән истифадә етдикдә мәнбәјә истинад лазымдыр
