Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Милли Мәҹлисинин спикери сабаһ милләт вәкилләриндән ибарәт бир һејәтин башында ики ҝүнлүк сәфәр мәгсәди илә Иран Ислам Республикасына ҝәләҹәк.
Азәрбајҹан Республикасы Милли Мәҹлисинин мәтбуат хидмәти бу өлкә Милли Мәҹлисинин спикери Октај Әсәдовун Иран Ислам Республикасына олаҹаг сәфәр програмыны елан едәрәк, Ирана сәфәр едәҹәк нүмајәндә һејәтинин тәркибиндә Милли Мәҹлисин комиссија сәдрләри Елдар Ибраһимов, Иса Һәбиббәјли, Һади Рәҹәбли вә милләт вәкилләри Һүсејнбала Мирәләмов, Шәмсәддин Һаҹыјев вә диҝәр милләт вәкилләринин олаҹағыны билдириб.
Бу мәлумата ҝөрә, Октај Әсәдов вә ону мүшајиәт едән һејәт бу сәфәр чәрчивәсиндә Иран Ислам Республикасы президенти Һәсән Руһани, Иран Ислам Шурасы Мәҹлисинин сәдри Әли Лариҹани, Иранын Али Милли Тәһлүкәсизлик Шурасынын катиби Әли Шәмхани вә Иран Ислам Республикасынын хариҹи ишләр назири Мәһәммәд Ҹавад Зәриф илә ҝөрүшүб, данышыглар апармалыдырлар.
Бу ҝөрүшләрдә икитәрәфли әлагәләрин һабелә, парламентләрарасы әмәкдашлыгларын ҝенишләндирилмәси јоллары мүзакирә едиләҹәк.
Азәрбајҹан Республикасы Милли Мәҹлисинин Иранда сәфәрдә олаҹаг нүмајәндә һејәтин Уримјә шәһәринә дә сәфәри нәзәрдә тутулуб. Урмијәдә Гәрби Азәрбајҹанын остандары илә ҝөрүш олмалыдыр.
Диггәт: Хәбәрдән истифадә етдикдә мәнбәјә истинад лазымдыр
