Әһли Бејт (әлејһимус-сәлам) - АБНА – Хәбәр Аҝентлији: Арашдырмачы профессор, кечмиш “КГБ” полковники Рөвшән Новрузоғлунун ҝизли хариҹи архивләрдәки мәнбәләр әсасында һазырланмыш “Өлүм һүҹејрәләри” тәһгигат әсәриндә ХХ әсрин әввәлләриндән бәри һәм Азәрбајҹаны ишғал алтында сахлајан ССРИ адлы Русија империјасынын, һәм дә Бөјүк Британија, АБШ кими “модерн” импеијаларын хүсуси кәшфијјат гурумларынын Азәрбајҹан халгынын зәнҝин ҝенефонду үзәриндә апардығы вәһши гәтлиам вә зоракылыгларла мүшајиәт олунан ҝизли тәдгигатларынын үзә чыхардығы ағлаҝәлмәз өзәлликләрдән, еләҹә дә өлкәмизин ајры-ајры сирли мәканларыны сојкөкүмүздә из бурахан гејри-ади хүсусијјәтләриндән бәһс едилир. Мәлум олур ки, ады чәкилән империјаларла јанашы, әксәр хариҹи дөвләтләр дә Азәрбајҹан инсанынын әсл ҝеномундан горхдуғундан бу халгы һәр васитә илә әзмәјә, мәһв етмәјә чалышыб вә чалышмагдадыр...
“Азәрбајҹан 1920-ҹи илдән һәм Москванын, һәм Лондонун, һәм Вашингтонун, һәм Парисин, һәм Шәрги Авропа өлкәләринин бир нечәсинин әсл мәнада ҹанлы лабораторијаларындан биринә чеврилиб...”
“Арашдырма материалларына ҝөрә, мүһарибәдән чыхан Совет сәһијјә системи үчүн 2 милјон Америка доллары, үстәлик, әлавә олараг Лондонун ајырдығы 2 милјон фунт-стерлинг чох ваҹиб иди.
1951-ҹи илин нојабрын 3-дә мутасијадан сонра ҝүлләләнмиш ики азәрбајҹанлы гадынын мејиди полковник М.Н.Гуринин сәрәнҹамы илә (6 сајлы сәрәнҹам) Ростовдан Москваја – МН-нин 1 сајлы хәстәханасына ҝөндәрилир. Һәмин илин нојабрын 4-дән 5-ә кечән ҝеҹә исә мејитләр хүсуси, ачылмасы гадаған һесаб олунан табутларда Москвадан Вашингтона јола салыныр.
“Он ил лазымдыр ки, ҝендәки милли мәнлији, торпаг севҝисини, инсана олан мәһәббәти, мәрдлији вә гүрур һиссини, ләјагәти... нишан верән кодлар өлсүн...”
Мәлумата ҝөрә, лејтенант В.Д.Марковун мејидинин јандырылмасы илә, әразидәки өлүм һалларынын дајанмасы ејни ҝүнә дүшдүјүндән, инсанлар горху вә тәлаш ичиндә иди. Ҝенерал А.А.Мајоров топладығы, әлдә етдији материаллара әсасән, Кремлдәки һәмкары И.М.Матвејевә јазырды:”...Мәнә елә ҝәлир ки, Думанлы Дәрәдән кимсә дүнјаја нәзарәт едир... Бу мүмкүндүрмү, билмирәм. Амма бир кәшфијјат ҝенералы кими гәнаәтләрим ҝизли бир һәгигәтин олмасындан хәбәр верир...”
Мәлумата ҝөрә, 1951-ҹи илин декабрын 12-дә Кремл Ағдашын Думанлы Дәрәсилә бағлы нөвбәти гапалы иҹласыны кечирир. Һәмин јығынҹагда ҝенерал А.А.Мајоровун мәктубу охунур. Кәшфијјат ҝенералы мәктубунда хатырладыр ки, дәфәләрлә Думанлы Дәрәнин үстүндә гырмызы улдуз топасыны мүшаһидә едиб. Амма бүтүн бунларын нә олдуғуну анламыр. Ҝенерал ону да хатырладыр ки, даһа һеч кәс Думанлы Дәрәдә јашамаг истәмир. Орада һәјат дајаныб... Амма әслиндә орада һеч вахт һәјат сөнмәјиб, давам едиб. Бу ҝүн дә давам едир...
“Азәрбајҹанлылара мәхсус әсл азәрбајҹанлы ҹизҝиләр силиниб, итмәли, онун јерини исә һәләлик гаранлыг галан вә дәрк олунмајан ҹизҝиләр әвәз етмәли иди...”
Кремлин декабр јығынҹағынын материаллары арасында чох лазымлы вә өјрәнилмәси ҝәрәкли һесаб олунан икинҹи бир мәсәлә дә мүзакирәјә чыхарылмышды. Мәзмун башга да олса, һәдәф ејни иди. Шүбһәсиз, биз ҝенетик кодларымызын зәдәләнмәсиндә өзүнү ҝөстәрән вә Кремлдә мүзакирәјә чыхарылан һәмин мәсәлә илә бағлы ҝениш материаллар верәҹәјик.
Арашдырма материалларына ҝөрә профессор, ҝенетик, Иттифагын МН-дә бағлы клиникаларын бириндә ишләјән Михи Заккајевич Фахратдинов она тапшырылан “Бөлүнмә әмәлијјаты”на башчылыг етмәли иди. Бәјимағаҹы әразисиндә гурулмуш кичик евләрдә һәким нәзарәти алтында сахланылан “мутасија ушаглары” тәҹили бөлүнмәли, нәзәрдә тутулан әразиләрә апарылмалы иди. “Мутасијадан” доғуланларын доггуз иглим гуршағы алтында бөлүнмәси “Мк-лајиһәси” ады алтында иҹра олунаҹагды. Лајиһәјә ҝөрә реҝионларда мәскунлашан азәрбајҹанлылара мәхсус әсл азәрбајҹанлы ҹизҝиләр силиниб, итмәли, онун јерини исә һәләлик гаранлыг галан вә дәрк олунмајан ҹизҝиләр әвәз етмәли иди. Нәтиҹәдә әсл азәрбајҹанлы симасы итмәли иди. О јерләрдә һәгиги азәрбајҹанлы доғулмамалы иди. Профессор М.З.Фахратдинов һәким досту Е.Д.Серафимовичә (говлугдакы 56 сајлы мәктуб) хатырладырды ки, Сијаси Бүро, бүтөвлүкдә Кремл әсл азәрбајҹанлынын доғулмасындан горхур. Сәбәбләр чохдур...
Арашдырма материаллары ичәрисиндә профессор, ҝенетик М.С.Хакимованын да мәктубу мараг доғурмаја билмир. Мәлумата ҝөрә, профессор М.С.Хакимова гејд едир ки, Кремл азәрбајҹанлыларын ҝенетик инкишафындан хүсуси бир нараһатлыг кечирирди. Профессор М.С.Хакимова јазыр:
”...Кремлдә мәндән сорушдулар: һәр һансы бир ҝенетик коду өлдүрмәк, дәјишмәк вә зәдәләмәк үчүн нә гәдәр вахт лазымдыр? Дедим: дүз он ил. Он ил лазымдыр ки, ҝендәки милли мәнлији, торпаг севҝисини, инсана олан мәһәббәти, мәрдлији вә гүрур һиссини, ләјагәти... нишан верән кодлар өлсүн. Бундан сонра о милләтин вә јахуд етник групун дирилмәсинә һеч бир лүзум јохдур... Доғулан вә доғулмагда олан һәр кәс шикәст доғулур...”
Арашдырма материалларына ҝөрә, Азәрбајҹан 1920-ҹи илдән һәм Москванын, һәм Лондонун, һәм Вашингтонун, һәм Парисин, һәм Шәрги Авропа өлкәләринин бир нечәсинин әсл мәнада ҹанлы лабораторијаларындан биринә чеврилмишди. Мараглы иди ки, дөврүн мәтбуатында, чап олунмуш елми-тәдгигат сәнәдләриндә, китаб вә дәрсликләрдә... бунунла бағлы һеч бир мәлумат верилмир. Нә үчүн Азәрбајҹан? Нә үчүн азәрбајҹанлылар? Бу мәсәләләрә ајдынлыг ҝәтирмәк истәјилә јенә мәхфи, там мәхфи говлуглардакы материаллара үз тутдуг. Бүтүн бунларын ашкарланмасы чәтин дә олса, бизим үчүн чох ҝәрәкли вә өнәмли иди. Әлдә олунан факт вә мәлуматларын исә дәјәри һеч нә илә өлмүлә билмәзди. Буну һесабламаг мүмкүн олан мәсәлә дејилди.
“Ислам Пејғәмбәринин(с) нәслинә мәхсус ган һүҹејрәләринин гурулушу вә бөлүнмә сүрәтиндә (?), еләҹә дә ганын рәнҝиндә фәргләр вар...”
Арашдырма материалларына ҝөрә, Азәрбајҹанда Мәһәммәд Пејғәмбәрин (с.ә.) нәслиндән он ики имамын сој-көкүнә, ганына дамарларына бағлы олан 196 нәсил шәҹәрәси вар.Јәни республикада 196 нәсил имам нәслинә бағлыдыр вә ҝенетик кодлар үст-үстә дүшүр. Топланмыш мәлуматлардан о да мәлумдур ки, бу ҝенетик кодлар арасында мараглы фәргләр вар. Мәсәлән, 1952-ҹи илин ијун ајынын 20-дә Москвада олан инҝилтәрәли “Тајлафер” һәким групу ВЫЫЫ әсрин тарихи вә тәбабәт сәнәдләринә әсасән иддиа едирләр ки, Ислам Пејғәмбәринин(с) нәслинә мәхсус ган һүҹејрәләринин гурулушу вә бөлүнмә сүрәтиндә (?), еләҹә дә ганын рәнҝиндә фәргләр вар. Бүтүн бу фәргләр онлара имкан верир ки, өз бәдән гурулушларына ҝөрә, сүмүк мөһкәмлијинә ҝөрә вә бејин гатларына ҝөрә башгаларындан фәргләнсинләр. Дүнја тәбабәти һәләлик бүтүн бунларын гаршысында аҹиз галыб. Гејд едим ки, “Тајлафер”групу бүтүн бунларын көкүнү арашдырмаг, өјрәнмәк вә тәһлил етмәк үчүн Азәрбајҹанын доггуз бөлҝәсинин үстүндә дајаныр. Бунунла бағлы әлавә мәлуматлар олаҹаг.
Фикримҹә, Азәрбајҹана гаршы едилән тәһдидләрин, хариҹи кәшфијјат башгыларынын, мәнәви вә ҝенетик кодларын зәдәләнмәси, мутасија лајиһәләри вә с. кими ағыр иттиһам мәсулијјәти тәрәфләр арасында бөлүндүјү үчүн һеч кәс тәгсиркар ҝөрүнмүр вә мәсулијјәтә ҹәлб олунмур...
(Давамы вар)...
Диггәт: Хәбәрдән истифадә етдикдә мәнбәјә истинад лазымдыр
