Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, мүсабигә Варкеј Фонду тәрәфиндән кечирилир вә илкин мәрһәләдә дүнјанын ән јахшы 50 мүәллиминин сијаһысы тәртиб едилиб. Сонда галиб ҝәләҹәк намизәдә АБШ-да кечириләҹәк тәлтиф мәрасиминдә 1 милјон долларлыг Глобал Мүәллим мүкафаты тәгдим едиләҹәк.
Блокада шәраитиндәки бөлҝәдә ријазијјат мүәллимәси кими фәалијјәт ҝөстәрән Рәна Зиадә илк 50 нәфәрлик сијаһыја дахил ола билиб.
"Биз дүнјанын дөрд тәрәфини ахтарараг ән фәдакар 50 мүәллими мүәјјән етмишик вә онлары 1 милјон долларлыг Глобал Мүәллим мүкафаты үчүн намизәдлијә сечмишик. Ән уҹгар дағ кәндләриндән тутмуш, шәһәр мәркәзләриндәки мәктәбләрә гәдәр, һәмчинин ән касыб бөлҝәләрдән тутмуш ән тәһлүкәли мүһарибә зоналарындакы мәктәбләрә гәдәр арашдырмышыг. Мүәјјән етдијимиз бу 50 нәфәр финалчы мүәллим јер үзүндә фәдакарҹасына шаҝирдләрин һәјатларыны дәјишмәк уғрунда јорулмадан фәалијјәт ҝөстәрирләр. Буна ҝөрә дә, бүтүн дүнја онлары танымалыдыр", - дејә Варкеј Фондунун рәсми ачыгламасында дејилир.
Билдирәк ки, Рәнанын фәалијјәт ҝөстәрдији мәктәб дәфәләрлә Исраил режими тәрәфиндән бомбардманлара мәруз галыб, онун дәрс дедији онларла шаҝирд Исраилин һәрби тәҹавүзләри заманы һәлак олублар. Рәна мүәллимә һәм дә дәфәләрлә бүтүн тәдрис ресурсларындан да мәһрум едилиб, һазырда исә мәркәзи Рәмаллаһда јерләшән Фәләстин һөкумәтинин Гәзза золағына тәтбиг етдији санксијалар уҹбатындан әмәкһаггынын јарысындан мәһрум олуб. Истедадлы мүәллимә, һәмчинин Исраилин тәтбиг етдији блокада уҹбатындан һеч јерә сәфәр едә билмир.
Диггәт: Хәбәрдән истифадә етдикдә мәнбәјә истинад лазымдыр
