Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, һәбсдә олан МТН ҝенераллары - Назирлијин Трансмилли Игтисади Ҹинајәткарлыға Гаршы Мүбаризә Баш Идарәсинин рәиси Сүбаһир Гурбанов, Мониторинг Мәркәзинин рәһбәри Тејмур Гулијев, Әмәлијјат-Техники Идарәнин рәиси Натәван Мүрвәтова вә онларын табелијиндә ишләмиш 7 нәфәрин иши үзрә Бакы Апелјасија Мәһкәмәсиндә арашдырмалар давам едир. Ҝенерал рүтбәси алынан Н.Мүрвәтова, диҝәр тәгсирләндирилән шәхсләрдән Елшад Әзизов вә Ешгин Әлијев барәләриндә чыхарылан һөкмдән шикајәтчи олмасалар да, диҝәр 7 нәфәр апелјасија шикајәти вериб.
Нојабрын 23-дә кечирилән мәһкәмәдә сабиг Трансмилли Игтисади Ҹинајәткарлыға Гаршы Мүбаризә Баш Идарәсинин рәис мүавини олмуш Фүзули Әлијевин вәкилләри Илјас Кәримов, Игбал Һәсәнов чыхыш едибләр.
Вәкилләр билдириб ки, ҹинајәт ишинин материаллары арасында тәгсирләндирилән шәхсләрин бир нечәсинин ифадәләри, експертиза рәјләри јохдур. Мәһкәмә дә белә ваҹиб материаллар олмадығы һалда һөкм чыхарыб. Апелјасија Мәһкәмәси дә сорғу ҝөндәриб онлары алмагдан имтина едиб.
Вәкил И.Һәсәнов билдириб ки, тәгсирләндирилән шәхсләр Сүбаһир Гурбанова, Фүзули Әлијевә, Натиг Алыјевә вә Заур Мәммәдова "Магнит" мағазалар шәбәкәсинин саһиби Сејмур Абдуллајевдән һәдә-горху илә 250 мин манат пул алмалары барәдә иттиһам верилиб. Лакин белә һадисә олмајыб.
Вәкилин дедијинә ҝөрә, һеч С.Абдуллајев "Магнит"ин саһиби дә дејил, өзү биринҹи инстансија мәһкәмәсиндә диндириләндә белә ифадә вериб:
"Деди ки, мәним ишим анҹаг "Магнит"ә кредит борҹу оланлары тапыб, борҹу өдәтдирмәк олуб. Јәни коллектор фәалијјәтилә мәшғул олуб. Ону МТН-дә октјабр ајында баш верәнләрдән сонра нојабрда чағырыб әризә јазыб гол чәкдирибләр. Ҝуја МТН әмәкдашлары ону һәдәләјиб 250 минини алыблар".
Вәкил диҝәр зәрәрчәкмиш, "Аразпласт" ММҸ-нин рәһбәри Елман Мурадовун ганунсуз сахланмасы, МТН әмәкдашлары тәрәфиндән дөјүлмәси, офисдәки сејфдән ҝөтүрүлмүш 80 мин манатынын гајтарылмамасы барәдә иттиһамда јазыланларын да, онун өзүнүн шикајәтинин дә әсассыз олдуғуну билдириб.
Мүдафиәчинин сөзләринә ҝөрә, бу зәрәрчәкмишин ермәни ишадамыјла мүнасибәтләри барәдә МТН-дә информасија олуб. Она ҝөрә ахтарыш апарылыб вә бу заман Түркијәдән Ермәнистана мал дашынмасы барәдә гаимәләр тапылыб. Һәмин вахт сејфдән 80 мин ҝөтүрүлмәси исә јаландыр, чүнки орада һеч һәмин мәбләғ олмајыб.
Вәкил гејд едиб ки, һәлә ахтарышдан әввәл МТН-ә дахил олмуш мәлуматларла әлагәдар Е.Мурадовун өлкәдән чыхышына гадаға гојулмуш, ширкәтлә бағлы арашдырмалар үчүнсә назир Елдар Маһмудов Верҝиләр Назирлијинә мәктуб ҝөндәрмишди:
"Бу, Елдар Маһмудовун назир олдуғу дөврдә, гүдрәтли вахтларында ондан шикајәт етмишди".
Вәкил әлавә едиб ки, зәрәрчәкмишләрин бир нечәси гәрәзли шәкилдә, гисас алмаг үчүн һәгигәтә ујғун олмајан ифадәләр верирләр. Бәзиләрини исә һеч нәдән хәбәрләри олмадан чағырыб әризәләрә гол чәкдирибләр. Сонра да һәмин әризәләрдән иттиһам тәрәфи истифадә едиб.
Сабиг МТН әмәкдашларынын мәһкәмәси нојабрын 29-да давам едәҹәк.
2015-ҹи ил октјабрын 17-дә МТН-дә кечирилән әмәлијјат нәтиҹәсиндә назир Елдар Маһмудов вәзифәсиндән азад олунуб, назирлијин 5 ҝенералы (Акиф Човдаров, Натәван Мүрвәтова, Сүбаһир Гурбанов, Тејмур Гулијев вә Елчин Гулијев) вә даһа 16 нәфәр мүхтәлиф рүтбәли әмәкдашы сахланылыб. Онлардан јалныз Натәван Мүрвәтова ев дустаглығында олуб.
МТН-ин Антитеррор Мәркәзинин рәис мүавини, полковник Илгар Әлијев исә һәбсдиндән ики ај сонра Бакы истинтаг тәҹридханасында интиһар едиб.
Һәбс олунан шәхсләрин иши бир нечә група ајрылыб. МТН-ин Мониторинг Идарәсинин рәиси Тејмур Гулијев, Әмәлијјат Техники Идарәнин рәиси Натәван Мүрвәтова вә Трансмилли Игтисади Ҹинајәткарлыға Гаршы Мүбаризә Идарәсинин рәиси Сүбаһир Гурбанов једди нәфәр әмәкдашлары илә бирликдә мәһкәмә гаршысына чыхарылыб.
Мүхтәлиф иш адамларынын әмлакларыны, пулларыны һәдә-горху илә әлләриндән алмагда, онлары бу мәгсәдлә ганунсуз олараг, МТН-ә ҝәтириб орада сахламагда, ганунсуз телефон динләмәләриндә, әмәлијјатлара ајрылмыш вәсаитләри мәнимсәмәкдә тәгсирләндирилән Сүбаһир Гурбанов вә мүавини Фүзули Әлијевә 14 ил, Тејмур Гулијевә 12 ил, Заур Мәммәдов вә Натиг Алыјевә 10 ил 6 ај, Анар Ширәлијев вә Ешгин Әлијевә исә 3 ил азадлыгдан мәһруметмә ҹәзасы верилиб.
Натәван Мирвәтова, Фәрһад Атајев вә Елшад Әзизов исә шәрти ҹәза верилиб.
Анар Ширәлијев вә Ешгин Әлијевин ҹәзасы баша чатыб вә онлар бурахылыблар.
Диггәт: Хәбәрдән истифадә етдикдә мәнбәјә истинад лазымдыр
27 noyabr 2018 - 12:01
Xəbər kodu: 918385
Мүдафиәчинин сөзләринә ҝөрә, бу зәрәрчәкмишин ермәни ишадамыјла мүнасибәтләри барәдә МТН-дә информасија олуб. Она ҝөрә ахтарыш апарылыб вә бу заман Түркијәдән Ермәнистана мал дашынмасы барәдә гаимәләр тапылыб. Һәмин вахт сејфдән 80 мин ҝөтүрүлмәси исә јаландыр, чүнки орада һеч һәмин мәбләғ олмајыб.
