Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Республикасында Әһли-Бејт (ә) шаири Сејид Рәһим Бахшыјев Аллаһын рәһмәтинә говушуб.
Мәлумата ҝөрә, Имам Һүсејн (ә) мәктәби ашиги олан шаир Јасамал рајонунда торпаға тапшырылыб.
Мәрһум Сејид Рәһим Бахшыјев Әһли-Бејт (ә) һагда дәјәрли шерләр сөјләмиш вә ондан Әһли-Бејтин (ә) мәдһиндә чохлу шерләр јадиҝар галмышдыр.
Гәзәлләрдә дә хүсуси мәһарәти олан Әһли-Бејт (ә) шаири өтән ил Исфаһанда Һүсејн (ә) Пир-Гуламлары 11-ҹи Бејнәлхалг иҹласында хариҹи гонаг кими иштирак етмиш вә азәрбајҹанлы Һүсејн (ә) пир-гуламы олараг алгышланмышдыр.
Мәрһум Сејид Рәһим Бахшыјев хәрчәнҝ хәстәлијиндән әзијјәт чәкирди вә бу ҝүн 58 јашында фани дүнја илә видалашыб.
Иран Ислам Ресубликасынын Азәрбајҹан Республикасындакы сәфирлијинин мәдәнијјәт атташелији Әһли-Бејт (ә) шаиринин вәфаты илә әлагәдар Әһли-Бејт (ә) мәктәбинин ашигләринә башсағлығы вериб.
Диггәт: Хәбәрдән истифадә етдикдә мәнбәјә истинад лазымдыр
