Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сионист Исраил режиминин баш назири Бенјамин Нетанјаһу ишҝүзар даирәләрин нүмајәндәләриндән баһалы һәдијјәләр алмагда вә "Једиотһ Аһтонотһ" адлы ән бөјүк нәшријјат евләриндән биринин саһиби илә сионист Исраил һөкүмәтинин фәалијјәтләринин јахшы ишыгландырылмасы һагда разылыға ҝәлмәјә ҹәһд етмәкдә шүбһәли билинир.
Бу разылығын гаршылығында Нетанјаһу нәшријјат евинин әсас рәгиби олан "Исраел һа-Јом" гәзетинин рәгабәт имаканлары мәһдудлашдыран ганун чыхараҹагды. Белә ки, "Исраел һа-Јом" гәзети ҝүндәлик пулсуз гәзетләр нәшр едир.
Инди бу шүбһәләр үзрә полис тәрәфиндән арашдырма апарылыр вә арашдырмалар Нетанјаһуја гаршы иттиһамларын ирәли сүрүлмәси илә баша чатса онда онун истефасы мәсәләси галдырылаҹаг.
Һазырда Нетанјаһу игтидарынын мүттәфигләри парламентә (Кнессет) Нетанјаһунун хејринә јөнәлмиш ганунлар кечирмәк истәјирләр. Бу ганунлардан бири полисә Нетанјаһуја гаршы апардығы арашдырмаларын јекунларыны јајымламағы гадаған етмәји, икинҹиси исә Нетанјаһунун үмумијјәтлә ҹинајәт тәгибиндән азад етмәји нәзәрдә тутур.
Бу ганунвериҹилик тәшәббүсләрини етираз етмәк үчүн шәнбә ҝүнү Тәл-Әвив күчәләринә 20 минәдәк мәскунлашдырылмыш шәхс чыхыб. Онлар һесаб едур ки, бу ганунвериҹилик тәшәббүсләри Нетанјаһуну коррупсија арашдырмаларынын алтындан чыхармаға јөнәлиб.
Диггәт: Хәбәрдән истифадә етдикдә мәнбәјә истинад лазымдыр
