Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ирагын орду гүввәләри Әнбар вилајәтинин гәрбиндә јерләшән Әл-Гаим рајонундакы уғурларыны давам етдирәрәк, Сурија сәрһәдинә гәдәр ирәлиләмәји баҹарыб.
Мәлумата ҝөрә, Ираг гүввәләри Әнбар вилајәтинин гәрб рајонларынын ишғалдан азад едилмәси әмәлијјатынын икинҹи мәрһәләсиндә, Әл-Гаим рајонунун әтрафындакы бүтүн мәнтәгәләри вә бөлҝәләри ИШИД-ин ишғалындан азад едиб.
Ираг гүввәләринин ИШИД илә Әл-Гаимин ҹәнубунда баш верән шиддәтли гаршыдурмаларын нәтиҹәсиндә 30 террорчу зәрәрсизләшдирилиб вә онларла террорчу јараланыб. Орду рајонун мәркәзинә доғру һәрәкәт едир.
Суријалы бир һәрби мәнбә исә, Сурија гүввәләринин Ирагын мүгавимәт гүввәләри илә ејни сәнҝәрдә террорчулара гаршы вурушдугларыны дејиб. Мәнбә Ираг вә Сурија бирҝә сәрһәдләриндән 250 километрдән чохунун террорчулардан тәмизләндијини дә вурғулајыб.
Диггәт: Хәбәрдән истифадә етдикдә мәнбәјә истинад лазымдыр
