Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сурија ордусу Русија Һава Гүввәләринин дәстәји илә Һама вилајәтиндә Укајрибат бөлҝәсини ИШИД-ин ишғалындан азад едиб.
Русија Мүдафиә Назирлији белә бир ачыглама илә чыхыш едиб: “Суријанын мәркәзи бөлҝәсиндә террорчуларын сон мүгавимәт мәркәзи мәһв едилди. Һазырда Сурија силаһлы гүввәләри Укајрибатын шәһәринин әтрафыны тәмизләјир”.
Русија тәјјарәләринин ИШИД мәнсубларына аид информасија мәркәзләрини, нәзарәт нөгтәләрини, базалары вә зиреһли машынлары вурдуғу бәјанатда гејд олунуб.
Хатырладаг ки, августун 25-дә Русија Силаһлы Гүввәләринин Суријадакы командири полковник Серҝеј Суровикин Сурија вә Русијанын Укајрибат гәсәбәсиндәки бирҝә әмәлијјатын баша чатмаға јахын олдуғуну билдирмишди. Суровикин стратежи әһәмијјәтли гәсәбәнин азад едилмәси илә Сурија һөкумәт гүввәләринин, Саламијјә-Һанасир автомобил маҝистралынын гәрбиндә бир тәһлүкәсиз бөлҝә гура биләҹәјини вә Палмиранын шималындакы нефт әразиләринә нәзарәт едә биләҹәјини вурғуламышды.
Диггәт: Хәбәрдән истифадә етдикдә мәнбәјә истинад лазымдыр
