Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүдүнја Әһли Бејт (ә) Ассамблејасы ИШИД террор груплашмасынын Әфганыстанын пајтахты Кабул шәһәринин шималында јерләшән Имам Заман (Аллаһ Онун зүһурун тезләшдирсин) адына Мәсҹиддә төрәтдији террор актыны мәһкум едиб.
Дүнја Әһли Бејт (ә) Ассамблејасы һадисә илә бағлы бәјанат верәрәк Әфганыстан дөвләтиндән ҹинајәт актыны төрәдән үнсүрләрә гаршы адекват аддымларын атылмасыны истәјиб.
Бәјанатын там мәтнини сајтымызын һөрмәтли изләјиҹиләринә тәгдим едирик:
Бисмил Мүнтәгим
Бир даһа дүнја империалист гүввәләри вә сионистләр зәманәнин гәлбигара, азғын вә шәрр инсанларын әлләри илә Әфганыстан дөвләтиндә бир груп ҝүнаһсыз, мәсум инсанлары ганларына гәлтан етдиләр.
Үрәк долусу ағры илә баш верән бу һадисә тәкҹә Мүсәлманларын дејил бүтүн азадә инсанларын гәлбини дағладараг емосијаларына тохунмушдур.
Ҝүнаһсыз инсанлары, садә мүлки вәтәндашлары вә гејри һәрби гүввәләри һәлак етмәк бејнәлхалг һүгуг нормаларында олдуғу кими бүтүн ҹәмијјәтләр тәрәфиндән мүһарибә ҹинајәтләри кими гијмәтләндирилир вә бејнәлхлг һакимләр тәрәфиндән арашдырыларг ҹинајәткар өз ҹәзасына чатдырылыр.
Үмүдүнја Әһли Бејт (ә) Ассамблејасы баш вермиш бу ҹинајәт һадисәсини кәскин сүрәтдә мәһкум едәрәк, Әфганыстан Ислами дөвләтиндән, адиатлы органларындан тез бир заманда бу ҹинајәт һадисәсинин амилләрини ҹәзаларына чатдырылмасыны тәләб едир.
Шүбһәсиз бу кими вәһшиҹәсинә төрәдилән ҹинајәт актлары һеч бир заман шәрафәтли вә шүҹаәтли Әфган милләтинин ирадәсиндә сарсылда билмәз. Мүсәлман Әфган халгы Исламын чәтри алтында бир-бириләри илә, сүлһ вә әминаманлыг ичиндә јашајаҹаглар.
Бејнәлхалг тәшкилатлардан вә инсан һагглары мүдафиәчиләриндән ҝөзләнтимиз одур ки, ИШИД кими ифратчы групларын төрәтдикәри бу сон ҹинајәтә гаршы ҹидди аддымлар атараг радикаллары мәһв етсинләр.
Үмүдүнја Әһли Бејт (ә) Ассамблејасы һадисә гурбанларына вә Шәһидләрә али дәрәҹәләрә јүксәлмәји, јаралылар вә һадисәдән әзијјәт чәкәнләрә камил бәдән сағламлығы, аиләләринә исә ҝөзәл сәбр етмәји Аллаһ Тәаладан диләјир.
Аллаһ Интигамыны Аландыр!
Үмүдүнја Әһли Бејт (ә) Ассамблејасы
04, Зил-һиҹҹә, 1438
Диггәт: Хәбәрдән истифадә етдикдә мәнбәјә истинад лазымдыр
