Әһлибејт (ә) Хәбәр Аҝентлијинин вердији мәлумата ҝөрә - Назирлик тәрәфиндән едилән јазылы ачыгламада, бүтүн һәрби ваһидләрин Телафер әмәлијјатына һазыр олдуғу билдириб. Шиә Һашди Шаби үзвләринин әмәлијјата актив бир шәкилдә гатылаҹағы, Ираг тәјјарәләринин дә әмәлијјат чәрчивәсиндә ИШИД һәдәфләрини һавадан бомбалајаҹағы билдирилиб.
Ираг Мәҹлисинин сәдри Сәлим әл-базар исә АБШ-ын Бағдад сәфири Доуҝлас Силлиман илә реаллашдырдығы ҝөрүш чәрчивәсиндә, өлкәнин шималы илә гәрбиндә ИШИД-ин әлиндә олан торпагларын ҝери алынмасы үчүн бејнәлхалг коалисјадан даһа чох координасија лазым олдуғуну сөјләди.
Силлиман да Бағдад рәһбәрлијинә террора гаршы вердији мүбаризәдә дәстәк олмаға диггәт ҝөстәрдикләрини, Ирагын әрази бүтөвлүјүнүн тәһлүкәсизлик вә сабитлијинин тәмин едилмәсиндә бунун әһәмијјәтли бир аддым олдуғуну вурғулады.
Ираг Баш назири Һејдәр әл-Ибади, Телафери ИШИД-дән гуртарма әмәлијјаты үчүн бүтүн һәрби һазырлыгларын тамамландығыны билдириб. Гејд едәк ки террор тәшкилаты олан ИШИД, Мосул шәһәри мәркәзиндән 63 километр гәрбдә јерләшән, Түркмәнләрин јашадығы Телафери 16 Ијун 2014-ҹү илдә әлә кечирмишди.
Диггәт! Хәбәрдән истифадә етдикдә мәнбәјә истинад лазымдыр
