Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Авропа Тәһлүкәсизлик вә Информасија Департаментинин баш катиби, Бејнәлхалг Инсан Һүгуглары үзрә Комиссијанын комиссары Һејсам Әбу Сәид ИШИД террор тәшкилатынын давамчыларынын 30 өлкәдә, о ҹүмләдән Азәрбајҹанда олдуғуну бәјан едиб.
Һејсам Әбу Сәидин сөзләринә ҝөрә, Азәрбајҹанда, Ермәнистанда, Өзбәкистанда вә Русијада 7500-дән чох ИШИД тәрәфдары вар.
О билдириб ки, ИШИД учүн јалныз әрәб өлкәләри “кадр” мәнбәји дејил, Франса, Белчика, Бөјүк Британија, Алманија кими Гәрб өлкәләрини дә бу сијаһыја әлавә етмәк олар.
Бејнәлхалг Инсан Һүгуглары үзрә Комиссијанын бәјанатында билдирилир ки, кәшфијјат хидмәтләри өлкәләрдә терроризмә гаршы апаран тәшкилатлара етибар етмир. Чүнки бу дөвләтләри әрәб өлкәләри илә сых игтисади мараглар бир-биринә бағлајыр.
“Нәтиҹәдә исә бу дөвләтләрдә ҝүзәштләр һазырланыр, әһәмијјәтли мәлуматлар мәхфилик категоријасындан чыхарылыр”-дејә бәјанатда гејд олунуб.
Мәлумата ҝөрә, Ирагда 35 мин, Суријада 25 мин, Сәудијјә Әрәбистанында 18 мин, Түркијәдә 17 мин, Тунисдә 15 мин, Франсада 11 мин, Ниҝеријада 10 мин, Алманијада 7800, Мисир вә Сомалидә 7 мин, Ливанда 5 мин, Ливијада 4700, Бөјүк Британија вә Әлҹәзаирдә 3700, Гәтәр, Судан, Иорданија, Күвејтдә 3 мин, Белчикада 1800, Исвечдә 1500, Норвечдә 1200, Бәһрәјндә 750 ИШИД тәрәфдары вар.
Бәјанатда о да билдирилиб ки, бу сијаһы Африка өлкәләринин сајәсиндә ҝенишләнәҹәк.
Диггәт: Хәбәрдән истифадә етдикдә мәнбәјә истинад лазымдыр
