Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Бакы Ағыр Ҹинајәтләр Мәһкәмәсиндә Нардаран һадисәләриндән сонра Шиә Руһаниләриндән Гуран Һафизи Һөҹҹәтүл Ислам Зүлфүгар Микајылов, Һөҹҹәтүл Ислам Сејјид Елман Ағајев, Һөҹҹәтүл Ислам Рузи Исмајылов, Һөҹҹәтүл Ислам Рамил Сејфуллајев, Шиә активистләри Фаиг Аллаһвердијев, Әли Һүсејнов, Меһман Гулијев, Меһман Мәммәдов, Елдар Бүнјадов, Елхан Һәсәнов, Мүбариз Ибраһимов вә Ҹабир Әлијевин гондарма ҹинајәт иши үзрә мәһкәмә иҹласы давам едиб.
Мәлумата ҝөрә, әдаләтсиз һаким Зејнал Ағајевин сәдрлик етдији просесдә сонунҹу шаһид Бәхтијар Ашуров диндирилиб. Бәхтијар Ашуров бундан әввәл бир нечә дәфә мәһкәмәјә чағырылса да, һеч бир просесдә иштирак етмәмишди. Һаким ондан даһа әввәлләр просесләрдә нијә иштирак етмәдијини сорушдугда, шаһид мәһкәмәјә ҝәлмәк үчүн пулунун олмадығыны билдириб:
"Јол пулуму верин, ҝәлим. Мән чөрәк алмаға 20 гәпик пул тапмырам, мәһкәмәјә неҹә ҝәлим? Милләт аҹындан өлүр, сиз исә мәһкәмәјә нијә ҝәлмәдијини сорушурсунуз."
Һаким бу заман "нараһат олма, биз верәрик" дејә, шаһид сөзләринә зарафатла реаксија вериб.
Шаһид билдириб ки, тәгсирләндирилән шәхсләрдән һеч бирини танымыр, онлары биринҹи дәфәдир ки, ҝөрүр. Һаким бу заман она истинтагда ифадә јаздығыны дејиб. Б.Ашуров јазыб-охумағы баҹармадығыны, һеч бир ифадә јаза билмәјәҹәјини дејәрәк, һакимин суалыны ҹавабландырыб:
"Мәни таныјан һамы билир ки, јазыб-охумағы баҹармырам, бу ифадәни неҹә јаза биләрәм? Мән бу адамлары биринҹи дәфәдир, ҝөрүрәм."
Шаһидин сөзләриндән сонра тәгсирләндирилән Зүлфүгар Микајылзадә шаһидин ифадәсинин истинтаг материалларындан чыхарылмасыны истәјиб. Һаким вәсатәти гәбул етмәјиб.
Шаһид мәһкәмә залындан чыхаркән, һакимә сөзләрини хатырладараг, ондан јол пулу истәјиб. Һаким исә ондан залдан чыхмасыны тәләб едиб. Бу заман Б. Ашуров "Сиз һамыныз беләсиз, данышмағыныз вар, сөзләринизә исә әмәл етмирсиниз", - дејә реаксија вериб. Тәгсириләнләр она пул вермәји тәклиф едибләр.
Нөвбәти просес ијулун 28-ә тәјин олунуб.
Диггәт: Хәбәрдән истифадә етдикдә мәнбәјә истинад лазымдыр
