Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Түркијәдә Адана Иҹра Һакимијјәти Исраилә гаршы етираз аксијасы вә ејни мөвзудакы бүтүн тәдбирләри гадаған етдијини билдириб.
"Фурган Фонду"нун Аданада "Әгса" Мәсҹидинә ҝиришләрдә Исраил полисинин детектор тәтбиг етмәсинә етираз етмәк үчүн кечирәҹәји етираз аксија Адана Иҹра Һакимијјәти тәрәфиндән гадаған олунуб.
Белә ки, Стансија Мејданында Исраилә етираз әламәти үчүн 18:30-20:00 саатлары арасында топланаҹаг олан фондун фәалијјәти вә ејни мөвзуда ачыг вә гапалы саһәдә апарылаҹаг һәр ҹүр тәдбир Адана Иҹра Һакимијјәти тәрәфиндән гадаған едилиб.
Адана Иҹра Һакимијјәти ачыгламасында "Рајонумузун Стансија Мејданында Исраилин фәләстинли Мүсәлманлары "Әгса" Мәсҹидинә бурахмамалары вә ибадәт етмәләринә мане олмаларындан долајы кечирилмәси истәнән митинг вә рајонумуз мигјасында кечирилмәси истәнән бүтүн фәалијјәтләр гадаған олунуб", - дејә вурғуланыб.
Диггәт: Хәбәрдән истифадә етдикдә мәнбәјә истинад лазымдыр
