Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Теһранын бу һәфтәки ҹүмә хәтиби Ајәтуллаһ Сејид Әһмәд Хатәми олуб.
Сөзләринин әввәлиндә Али-Сәудун јени вәлиәһдинин Иран әлејһинә чыхышларына мүнасибәт билдирән Ајәтуллаһ Хатәми билдириб: “Сәудијјә Әрәбистанынын чиј вәлиәһди дејиб ки, биз Иранла мүзакирә етмирик вә Иранла савашымызы Теһрана гәдәр чәкәҹәјик. Билсинләр ки, Сәудијјә Әрәбистаны Иранла мүһарибә етмәк үчүн ушагдыр. Буҝүнүн “өлүм олсун АБШ-а” шүары “өлүм олсун Али-Сәуда” шүары илә ејнидир. Сиздән даһа ҝүҹлү олан вә сонадәк дәстәкләдијиниз Сәддам белә һеч бир гәләт едә билмәди.”
Иранын Ингилаб Кешикчиләр Корпусунун ИШИД-ин Суријада олан мөвгеләрини һәдәфә алмасына да мүнасибәт билдирән имам ҹүмә “Бу әмәлијјат Аллаһын “интигам алан” хүсусијјәтинин тәҹәлласы иди. Бу аддым јериндә вә мүнасиб бир аддым иди. Бу әмәлијјатын һәм дә АБШ әлејһинә месажы бу иди ки, отуруб, Иран әлејһинә нә гәдәр лајиһә гәтнамә гәбул едирләсә етсинләр. Лакин билсинләр ки, Иран һеч вахт өз принсипләриндән ҝери чәкилмәјәҹәк. Дүшмәнин истәдији будур ки, биз ракет програмымызы дондураг. Лакин онларын аҹығына биз бу барәдә олан игтидарымызы ҝенишләндирәҹәјик. Биз һәм дә Исраил режиминә бу месажы вердик ки, бизим тәһлүкәсизлик барәдә һеч кимлә зарафатымыз јохдур вә бош шүарлар вермирик. Бу әмәлијјат өлкәдә вәһдәт символуна чеврилди вә һамы буну дәстәкләди.”, -дејә әлавә едиб.
АБШ-ын Иран әлејһинә тәсигләдији санксијалара да тохунан Ајәтуллаһ сөзләринә белә давам едиб: “Бу лајиһә нүвә разылығынын ачыг-ашкар позулмасы демәкдир. АБШ сенатынын 100 үзвүндән 98-и бу лајиһәләрә мүсбәт сәс верди. Бу дүшмәнин һәлә дә дүшмән олдуғунун ҝөстәриҹисидир. АБШ-ын хариҹи ишләр назири дејир ки, биз Ираны нүвә програмларындан ҝери аддым атмаға мәҹбур етдик. АБШ билсин ки, Иран халгы бу мәсәләдә бир аддым да олса ҝери чәкимәјәҹәк. Онлар бу ҝүн ракетиниз олмасын дејирләрсә, сабаһ танк вә түфәнҝиниз олмасын дејәҹәкләр. Биз ингилабымызын уғрунда сон нәфәс вә дамла ганымыза гәдәр дурмушуг. Сиз 38 илдир ки, Ислам Республикасынын дәјишмәси үчүн чалышырсыныз, лакин бу јухунузу гәбрә апараҹагсыныз.”
Диггәт: Хәбәрдән истифадә етдикдә мәнбәјә истинад лазымдыр
