Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Илк дәфә 1979-ҹи илдә Ислам Ингилабынын баниси Ајәтуллаһ Хомејнинин (р.ә) тәшәббүсү илә Фәләстинин азадлығына дәстәк үчүн кечирилән "Гүдс ҝүнү" артыг бејнәлхалг мигјасда гејд олунур. Белә ки, һәр ил Мүбарәк Рамазан ајынын сонунҹу ҹүмә ҝүнү Фәләстин халгына дәстәк тәдбирләри кечирилир.
Гарабағ Уғрунда Ислами Мүгавимәт Һәрәкатынын рәһбәри Рөвшән Әһмәдли “ИсламинСеси” нә мүсаһибәсиндә билдириб ки, “Бејнәлхалг Гүдс ҝүнү" илә бүтүн дүнјада зүлмә, залыма, тәҹавүзә, ишғала һәмрәјлик нүмајиш етдирмәк әнәнәси гојулду. Бу јалныз мүсәлманларын вәзифәси јох, дүнјанын һәр јериндән олан инсанпәрвәр, сүлһсевәр, әдаләтсевәр инсанларын һәмрәјлик ҝүнүдүр.
"Гүдс ҝүнү" һәм “Боснија ҝүнү”, һәм “Гарабағ ҝүнү”, һәм “Кәшмир ҝүнү” кими характеризә олунур. Јәни бу ҝүн рәмзи характер дашыјыр. Әслиндә исә бу рәмзин әтрафында бирләшән инсанлар зүлмә, тәҹавүзә етиразларыны билдирирләр”.
Рөвшән Әһмәдлинин сөзләринә ҝөрә, инсанлар ибадәт едәрәк, гәлбләрини Аллаһ гаршысында тәмизләјәрәк сафлашырлар: “Диҝәр тәрәфдән исә ибадәтин иҹтимаи, һәмрәјлик, бир-биринә көмәк етмәк тәрәфини “Бејнәлхалг Гүдс ҝүнү" - дә јеринә јетирирләр. Она ҝөрә дә, Азәрбајҹан ишғала мәруз галан, торпагларынын 20 фаизини итирән бир өлкә олараг, “Бејнәлхалг Гүдс ҝүнү" нү гејд етмәлидир.
Чүнки “Гарабағын ишғалы, Гүдсүн ишғалынын давамыдыр”. Биз бу ҝүнү гејд етмәклә Гарабағын ишғалына етираз билдиририк. Бу бахымдан Азәрбајҹанда “Гүдс Ҝүнү” иҹтимаи сијаси вә дини сферада дөвләт тәрәфиндән јүксәк сәвијјәдә гејд олунмалыдыр”.
Диггәт: Хәбәрдән истифадә етдикдә мәнбәјә истинад лазымдыр
