Әһлибејт (ә) Хәбәр Аҝентлији-СМММ дөвләт башчысы Илһам Әлијевин 16 март тарихли әфв сәрәнҹамыны сијаси мәһбусларын азадлыға чыхмасы бахымдан нөвбәти имитасија кими гијмәтләндириб.
“Иҹласда сон заманлар һәбсдә олан бәзи сијаси мәһбуслар азадлыға чыхдығына, сијаси мотивләрлә јени һәбсләр олдуғуна ҝөрә сијаси мәһбус сијаһысынын јениләнмәси гәрара алыныб. Үмумиликдә 9 нәфәрин ады сијаһыдан чыхарылыб, 6 нәфәрин ады сијаһыја дахил едилиб. Гәрара алыныб ки, азадлыға чыхдығына ҝөрә ашағыдакы шәхсләрин адлары сијаси мәһбус сијаһысындан чыхарылсын;
Асиф Ләтифов- Президент гвардијасынын кечмиш әмәкдашы
Әбдүл Әбилов- блоҝҝер Елвин Абдуллајев- АХҸП үзвү Заһидов Рүфәт- Гәнимәт Заһидин гоһуму
Заһидов Рөвшән- Гәнимәт Заһидин гоһуму
Кишијев Намиг- дини фәал
Ниҹат Әлијев- дини фәал
Зејналабдин Бағырзадә (АХҸП үзвү, Нахчыван)
Ејни заманда һәбси сијаси мотивләрлә мүшаһидә олундуғундан вә АШПА- нын сијаси мәһбусларла бағлы мәлум ктиртеријасынын тәләбләринә ҹаваб вердијиндән ашағыда адлары гејд олунан шәхсләрин сијаси мәһбус сијаһысына дахил едилмәси гәрара алыныб; Меһман Гәләндәров- блоҝҝер
Меһман Һүсејнов- журналист- блоҝҝер
Сәрдар Бабајев (Һаҹыһәсәнли)- дини фәал
Елхан Исҝәндәров- МБҺ үзвү
Елнур Фәрәҹәов- АХҸП үзвү
Беләликлә, һазырда Сијаси Мәһбусларын Мүдафиә Мәркәзинин тәртиб етдији сијаси мәһбус сијаһысында 162 нәфәрин ады вар.
Иҹласда 2016- ҹы илин јанвар ајында баһалашма әлејһинә етираз аксијасында иштирак етдијинә ҝөрә һәбс олунан бир груп Сијәзән рајон сакининин 4 ил 6 ај мүддәтә азадлыгдан мәһрум едилмәси писләнилиб. Гәрара алыныб ки, онларын һәбсиндә сијаси мотивләр олдуғундан вә сијаси мәһбус критеријасынын тәләбләри позулдуғуна ҝөрә һәмин шәхсләр потенсиал сијаси мәһбус кими танынсын. Һәмин шәхсләрлә бағлы әлавә мәлуматларын топланмасы иши давам етдирилсин.
Иҹласда сон ҝүнләр СМММ үзвү, һүгуг мүдафиәчиси Талеһ Хасмәммәдовун һүгуг мүһафизә органлары тәрәфиндән тәзјигләрә мәруз галмасы писләнилиб.
Гәрара алыныб ки, сијаси мәһбусларын мүдафиә иши ҝүҹләндирилсин вә бу истигамәтдә мүхтәлиф тәдбирләр һәјата кечирилсин”, – дејә О.Ҝүлалыјев фејсбук сәһифәсиндә мәлумат вериб.
Диггәт! Хәбәрдән истифадә етдикдә мәнбәјә истинад лазымдыр!
