Әһлибејт (ә) Хәбәр Аҝентлијинин вердији мәлумата әсасән-дүнјанын мүхтәлиф өлкәләриндән Мәшһәд шәһәриндә олан он минләрлә зәввар вә јерли әһалинин ҝениш иштиракы гаршысында чыхыш едән Ајәтуллаһ Хаменеи билдириб ки, Иран игтисади саһәдә далана дирәнмәјиб вә бу саһәдә ҝениш уғур газана биләр. Ајәтуллаһ Хаменеи билдириб ки, бу ил мүһүм игтисади һәрәкәтә еһтијаҹ вар вә бу истигамәтдә өлкә үчүн өнәмли бир илдир. “Дүшмәнин һәдәфи, Иран халгына тәзјиг ҝөстәрмәкдир. Онлар халгы Иран Ислам Республикасы гурулушундан мәјус етмәк истәјирләр.” Ајәтуллаһ Хаменеи билдириб ки, Иран халгынын буҝүнкү приоритети игтисади мәсәләдир. “Ҝүҹлү игтисадијјат олмадан ардыҹыл иззәт вә тәһлүкәсизлијә чатмаг олмаз. Бу шејләри тәмин етмәлијик. Милли бирлик вә халгын гурулушла үмуми бағлылығы олмадан бу истәкләр әлдә олунмајаҹаг. Өлкәнин ҝәләҹәји үчүн үстүнлүк тәшкил едән апарыҹы нөгтә, милли вә дахили истеһсалдыр вә мәним тәләб етдијим мәсәлә, дахили истеһсала сөјкәнмәк вә архаланмагдыр.” Ајәтуллаһ Хаменеи өлкәдә истеһсалын инкишаф етдирилмәсинин зәрурилијини вурғулајыб вә дејиб ки, истеһсалын артырылмасы донмуш әманәт һесабларынын ишә дүшмәсинә, өлкәнин өнәмли валјутасынын истеһлак олунмамасына, ҝәнҹләрин тәшәббүсүнүн артмасына, истедадларын чичәкләнмәсинә вә әмәјин рөвнәг тапмасынына тәсир ҝөстәрәҹәк. Ајәтуллаһ Хаменеи дејиб ки, дахили истеһсалын артмасында халг тәбәгәләринин мәсулијјәт һисси илә бу ишә јанашмасы чох өнәмлидир. “Өлкә дахилиндә кифајәт гәдәр истеһсал олунан малларын идхалы, һәм шәриәт вә һәмдә ганун бахымындан һарам сајылмалыдыр.” Ајәтуллаһ Хаменеи һәмчинин Иранын мүдафиә вә һәрби саһәдә әлдә етдији наилијјәтләри ҝөз гамашдырыҹы адландырыб. “Ингилабдан өнҹә һәрби ҹәһәтдән ачыг-ашкар хариҹдән, өзү дә Америка кими дүшмәнләрдән асылы олан бир өлкәнин буҝүнкү фәалијјәтләри дүшмәнин ҝөзләрини гамашдырыр, дүшмәнләри нараһат едир вә һиддәтләндирир.” Ајәтуллаһ Хаменеи даһа сонра гаршыдан ҝәлән президент сечкиләринә тохунуб вә билдириб ки, бизим өлкәмиздә сечкиләр олдугҹа өнәмлидир. “Тәкҹә президент сечкиләри дејил, һәм дә мәҹлис вә шура сечкиләри дә өнәмлидир. Сечкиләр ҝүҹ ҝәтирән феномен вә Иран халгынын иззәтинә сәбәб олур. Сечкиләр дини демократијанын ики дајағындан биридир. Халг сечкиләрдә актив иштирак етмәлидир.”
Диггәт!Хәбәрдән истифадә етдикдә мәнбәјә истинад лазымдыр
