Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ШӘРЛӘНӘРӘК һәбсә атылан Иса Ләнкәрани әдаләтсиз мәһкәмә гаршысында етдији чыхышлардан бир нечә мүһүм нөтгәләрә ситат ҝәтириб.
Иса Ләнкәранинин чыхышыны диггәтинизә чатдырырыг.
1. Кечән һәфтә ки, чыхышымдан гыса хатырлатма едирәм ки, бизим террорла һеч бир бағлылығымыз јохдур. Буну сиз һакимләр дә чох јахшы билирсиз.
2. Гуранда Аллаһ (ҹәллә ҹәлалуһ) бујурур ки, Онлар тәдбир төкүрләр Аллаһ (ҹәллә ҹәлалуһ) да тәдбир төкүр. Аллаһын (ҹәллә ҹәлалуһ) тәдбири даһа хејирлидир.
3. Биз бәндәләр Аллаһа (ҹәллә ҹәлалуһ) тәслим олмушуг. Аллаһын (ҹәллә ҹәлалуһ) китабы олан Гуранын ајәләриндә Аллаһ Тала биздән нә истәјирсә она әмәл едирик.
Буна ҝөрә кимсә нараһатдырса, бу бизә мараглы дејил. Чүнки Аллаһ (ҹәллә ҹәлалуһ) өз әзиз Пејғәмбәринә (сәлләллаһу әлејһи вә алиһи вә сәлләм) бујурур ки, Сән де Сәни горумаг мәним өһдәмдәдир. Биз әзиз Пејғәмбәримизин (сәлләллаһу әлејһи вә алиһи вә сәлләм) ҝетдији јол илә ҝедирик, Аллаһ Гуранда вәдә вериб ки, бизи горујаҹаг. Буна зәррә гәдәр шүбһәм јохду.
4. "Бандотдел”-ин бизә гаршы етдији әдәбсизликләрин һамсына Аллаһ өзү Гәви- јәни ҝүҹлү Мәғлубедилмәз ады илә ҹаваб верәҹәк.
3- ҹү Гурупда олан Сејид Елман Ағазадә һаггда мәндән “Бандотдел” сорушанда вә мәни онун әлејһинә данышмағым үчүн ишҝәнҹәјә мәруз гојанда бир анлыг Тарих јадыма дүшдү! Ханымларын шаһы олан Әзиз Пејғәмбәримизин (сәлләллаһу әлејһи вә алиһи вә сәлләм) гызы Ханым Зәһра (сәламуллаһи әлејһа) өзү Ислам үчүн ҹанындан кечди, һәтта бәтниндәки 6ајлиг баласындан кечди. Мән бир Ислам дининин тәблиғатчысы кими, Ханым Зәһра (сәламуллаһи әлејһа) һаггында мәҹлисләрдә чох данышмышам. Һәтта бәзән о Ханым јашасајды о Ханымын тәрәфдарларындан олардым иддијасыны да етмишәм. Бир шеји баша дүшдүм . Чөлдә бир мәсҹиддә 3000-5000 нәфәр үчүн Ханым Зәһрадан (сәламуллаһи әлејһа) данышмаг асанды. Тәкҹә инсандан нәфәс тәләб олунур, бир дә тарихи билмәк. Амма бу ҝүн о ханымын балаларыны мүдафиә етмәк инсандан гејрәт тәләб едир. Буна там јәгиним вар. Чүнки мәним баш вә бәдән үзвүләримә зәрбәләр вуруланда ҝүҹлү ағрыларым вар иди. 7-ҹи ҝүнү мәндән Сејид Елманын әлејһинә данышмағымы истәдиләр, амма алынмады. Ҹанымы вермәјә һазыр идим ки, Сејид Елманын анасы Ханым Зәһра (сәламуллаһи әлејһа)-нын јанында үзү гара олмајым. Бир Ханым ҹанындан кечиб, Иса кечмәсә гејрәтдән пајы јохду. Сејид Елман өлкәнин нүфузлу алимләриндәндир. Сејид Елман һаггда чох ифтихарла дејә биләрәм ки, О, өлкәнин гејрәтли оғулларындан вә Алимләриндәндир.
5. Сејид Елмана, Һаҹы Зүлфүгара олунан ишҝәнҹәләрдән хәбәрим вар. Пејғәмбәр (сәлләллаһу әлејһи вә алиһи вә сәлләм) бујуруб ки, дүнјанын Шәргиндә бир мүсәлмана зүлм олунарса, дүнјанын Гәрбиндәки мүсәлман нараһат олмаса о мүсәлман дејил.
6. 7-ҹи ҝүнү ахшам бәдәнимдән ағрылар чәкилиб ҝетди. Бунун сәбәби Сејид Елманы мүдафиә етдијим үчүн бир һәдијјә иди. Буну о ишҝәнҹә верәнләр дә сабаһы ҝүнү өзләри дә ҝөрдүләр. Чүнки сәһәри ҝүн јухары галханда бәдәнимдә бир дәнә дә олунсун ҝөјәрти, гаралты изи јох иди. Бунун сәбәбини онлара данышдым, ондан сонра бир аз әл сахладылар.
7. Шејхә мәктуб јаздым Күрдәханыдан. Гуран ајәләриндән истифадә етдијим мәктубда сонда Гуранын АЛИ-ИМРАН сүрәсинин 71-ҹи ајәсини јаздым вә Онлара Аллаһ
бәндәси кими өз һөҹҹәтими тамам етдим. Ајәдә дејилдији кими биз һагг олдуғумуз һалда шүбһәли һала салыблар. Аллаһ бу шүбһәни өзү арадан апарды. Халг дининдән,иргиндән асылы олмајараг бизим Һагг олдуғумузу билир. Нәдәнсә мәктубумун ҹавабы ҝәлмәјиб.
8. Һакимијјәт әлејһинә чыхмагда иттиһам олунмушам. Һалбуки, һеч бир јердә бу баш вермәјиб. Зәррә гәдәр буна сүбут јохду.
Гејд едәк ки, 2015-ҹи илин Нојабыр ајынын 26-да Илһам Әлијевин бир баша нәзарәти илә Дахили Ишләр Назирлијинин бир груп әмәлијјатчыларынын гејригануни олараг Бакынын Нардаран гәсәбәсиндә һәјата кечиртдикләри анти-Шиә әмәлијјаты заманы өлкәдән хариҹдә, Ирагын Кәрбәла шәһәриндә зијарәтдаә олан Иса ләнкәрани 2015-ҹи илин Декабр ајында евә гајыдаркән Астара сәрһәд кечид мәнтәгәсиндә һәбс едиләрәк Бакыја апарылмышдыр...
Кәрбәлаји Иса Ләнкәрани.
Диггәт: Хәбәрдән истифадә етдикдә мәнбәјә истинад лазымдыр
