Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Мартын 6-да әлјевләр режими “Бакы Ағыр Ҹинајәтләр Мәһкәмәсиндә” 2015-ҹи ил нојабрын 26-да Нараран гәсәбәсиндә төрәтдикләри ҹинајәтдән сонра ганунсуз сахладыглары Шиә Руһаниси вә ејни заманда Гурани Кәрим Һафизи, Илаһијјатчы Зүлфүгар Микајылов, Шиә Руһаниси Илаһијјатчы Сејјид Елман Ағајев вә диҝәр 10 нәфәрин ҹинајәт иши үзрә гурама мәһкәмә просесин давам етдириб.
Әдаләтсиз һаким Зејнал Ағајевин сәдрлији илә кечирилән просесдә ШӘРЛӘНӘН шәхсләрдән Фаиг Аллаһвердијев ифадә вериб. О, З. Микајылову Мәсҹиддән таныдығыны дејиб:
"Мән Гарабағ мүһарибәсиндә иштирак етмишәм. Мүһарибә ветераныјам. Габырғаларымын һамысы протездир. Бүтүн иттиһамлар јаландыр. "Бандотдел"дә дејирдиләр, бир килограм наркотики гојарыг бојнуна. Үзләринә баханда билдим, нә јуванын гушудулар. Онлар бәдбәхт адамлардыр. Бәлкә дә кимсә онлары сыхыб, онлар да белә едибләр. "Гуран" охујан адамдан террорчу олар? Бизи әввәлҹә Аллаһ таныјыр. Һәбсдә нә гәдәр "мәнәм-мәнәм" дејән јатыр. Биз дә јатарыг. Тале Бағырзадә илә һеч бир дәфә дә ҝөрүшмәмишәм. Мәсҹиддәки чыхышларындан таныјырам. Талеһин китабчасы илә бағлы мәсәләни бурада ешитмишәм. Мән Дағыстана мал ҝәтирмәјә ҝедирдим. Сәрһәддә сахлајыб "Бандотдел"ә ҝәтирдиләр. Дедиләр: "Сәндә силаһ вар". Мәндә һеч вахт силаһ олмајыб. Биз нә ҹәза версәләр, чәкәҹәјик. Тәки халг јахшы јашасын. Аллаһ мәни сајыб ки, бу ҹүр гардашларла бирликдә һәбс олунмушам. Евдә ахтарыш апарыблар. Ҝуја орада силаһ тапылыб. Өзләри гојуб өзләри дә ҝөтүрдүләр. Ики һал шаһиди ҝәтирмишдиләр, һеч ајаг үстә дура билмирдиләр. Мәнә дедиләр: "Әмр јухарыдан ҝәлиб, һәбс олунмалысан". Ушағымын ҝөзү гаршысында һәбс етдиләр. Ушаг невроз олуб. Јазыланларын һамысы јаландыр. Һакимијјәти дәјишмәк һара, Мәсҹид һара? Истинтаг заманы аиләмлә әлагәјә имкан вермәдиләр. ИстинтагзаманыОгтајадлывәкилвермишдиләр. Ода "Бандотдел" әмәкдашларыкимидавранырды".
Даһа сонра иҹласда тәгсирләндирилән шәхсләрдән Меһман Гулијев ифадә вериб. О билдириб ки, дөвләт чеврилиши барәдә дүшүнмәјибләр вә силаһы олмајыб:
"Мәни бурада олан Меһман Мәммәдовла сәһв салыб тутублар. Башыма дөјә-дөјә сорушдулар "Сән Меһмансан?" Сонра билдиләр сәһв тутублар. Дедиләр, ејби јох, ики Меһманла бир шеј олмаз. Нардаран һадисәләриндән сонра Нардаран блокадаја алынмышды. Бир һәфтә евә чөрәк ала билмәдик. Нардаран һаггында елә бир миф јаратмышдылар ки, ҹаванлары вәһши кими тәгдим едирдиләр. Нардаран да бу өлкәнин бир һиссәсидир. Евә вәһши кими һүҹум едиб, мәни һәбс етдиләр. Гышгырырдылар ки, тәслим ол, силаһлары вер. Мәни вә атамы һәбс етдиләр. Сонра дедиләр: "Сәнә шад хәбәримиз вар, атаны бурахырыг".
Сабунчу рајон Полис Идарәсиндә бир нәфәр ҝәлиб мәнә тәпик вуруб деди ки, ушағынын бешијиндә силаһ тапылыб. Сонра мәни "Бандотдел"ә апардылар. Евдә сувенир хәнҹәр вар. Онунла бағлы мәнә иттиһам верибләр. Елә би адам башы кәсмишик. Зија адлы мүстәнтигин јанына апарыб тәләб етдиләр ки, сәнәдләрә гол чәк. Һамысыны тәзјиг алтында имзаладым. "Бандотдел"дә рәис полисләрә һирсләниб деди ки, тапанчаны евә гојанда ҝүлләсини да гојмаг лазымдыр. Һансы виҹдансыз ушағынын бешијинә силаһ гојар? Ахтарыш заманы ики һал шаһиди вар иди. Һеч ајаг үстә дура билмирдиләр. Полисләр онлара һирсләниб дедиләр ки, јахшы ишләмирсиниз, чағыранда ҝәлмирсиниз. Мән һеч вахт силаһ ҝөрмәмишәм. Силаһ нәјимә лазымдыр? Әҝәр пулум олсајды, одун алардым. Бурада сахланыланларын һеч бирин танымырам. Јазыблар ҝуја әлагәмиз олуб. Мәндән бир ҝүн сонра әмим оғлуну да фокс едиб тутублар. Мүстәнтиг деди: "Нә дејирик јаз, јохса сәни дә Талеҝиллә бирликдә тутаҹағыг". Мәни тәһгир едирдиләр. Әли гандаллы ифадәни јазмышам. Тутуланларла "Бандотдел"дә налајиг һәрәкәтләр едирдиләр".
Даһа сонра иҹласда Елхан Һәсәнов ифадә вериб. О билдириб ки, идманла мәшғулдур вә Нардаран һадисәләри оланда Кәрбәлада олуб:
"Мәни сәрһәддә сахладылар вә аиләмлә һәдәләдиләр. Кинкбоксинг Федерасијасынын президенти Адил Әлијев мәни јахшы таныјыр. Иттиһамлар сахтадыр. Дедиләр ки, әмр јухарыдан ҝәлиб, һәбс едилмәлисән. Ләнкәранда евимдә ахтарыш апарыланда Ҹәлилабаддан һал шаһиди ҝәтирмишдиләр. Елә бил Ләнкәранда адам јохдур. Талеһ Бағырзадә илә һеч бир әлагәм танышлығым јохдур".
Тәгсирләндирилән шәхсләрдән Рамил Сејфуллајев дә ифадә вериб. Билдириб ки, ону алдадыб сәнәдләри имзалатдырыблар:
"Дөвләт тәрәфиндән верилән вәкил деди ки, бош шејди, имзала. Мән дә имзаладым. Сонрадан ҝөрдүм ки, һәмин ифадәјә ҝөрә мәнә өмүрлүк ҹәза верилә биләр. Мәним Тале Бағырзадә илә һәр һансы әлагәм олмајыб. Онун чыхышларына интернет васитәсилә бахмышам вә телефонумда бу чыхышлар олуб. Дөвләт тәрәфиндән верилән вәкил Ҹәфәр Һаҹыјев билинмирди мәним, јохса онларын вәкилдир. Мән үчүнҹү груп әлиләм. Гумда тәһсил алмышам. Орадан гајытдыгдан сонра МТН-нин Ҝәнҹә шөбәсинин әмәкдашы Ҹејһун тез-тез бизи чағырыб сөһбәт едирди. Јәни демәк истәјирди ки, биз нәзарәтдәјик. Буну билән һансы адам үзәриндә силаһ ҝәздирәр? Мәнә Талеин китабчасы илә бағлы иттиһам верилиб. Мән о китабчаны ҝөрмәмишәм. Хаһиш едирәм, верин, бахым ҝөрүм о нәдир. "Мүсәлман Бирлији" Һәрәкаты илә әлагәм олмајыб. Истинтаг заманы елә ишҝәнҹәләр верибләр ки, данышмаға хәҹаләт чәкирәм. Бурада бу һагда даныша билмирәм".
Просесмартын 13-дәдавамедәҹәк.
Хатырладаг ки, 2015-ҹи ил нојабрын 26-да Баш Мүтәшәккил Ҹинајәткарлыгла Мүбаризә Идарәсинин әмәкдашлары Нардаран гәсәбәсиндә гејригануни һәјата кечирдији әмәлијјат нәтиҹәсиндә “Мүсәлман Бирлији” һәрәкатынын рәһбәри Тале Камил оғлу Бағыров олмагла бир нечә нәфәри јараламыш вә һәбс етмишдир. Полисин төрәтдији ҹинајәт акты заманы 2 полис әмәкдашы, 4 гәсәбә сакини полис тәрәфиндән Шәһид олмушдур.
Рамил Усубов һәмин ҝүн азтв каналында вердији мүсаһибәсиндә исә билдирмишдир ки, президент Илһам Әлијевин там нәзарәти илә Нардаран әмәлијјатында Тале Камил оғлу Бағыров бирҝә Елман Сејдәмир оғлу Ағајев, Зүлфүгар Сәдрәддин оғлу Микајыов вә диҝәрләри сахланылыб. Лакин мәлума олдуғу кими, Зүлфүгар Сәдрәддин оғлу Микајылов 26 Нојабр 2015 тарихдә Нардаран дејил мәһз Хырдаланда јашадығы шәхси мәнзилиндә Бакы вахты илә 15:00 радәләриндә, Елман Сејдәмир оғлу Ағајев исә Нојабырын 28-и 2015 тарихдә Ләнкәран рајону Диҝаһ кәндиндә јерләшән шәхси мүлкүндә сахланылыб.
Нардаран һадисәләри илә бағлы сахланылан шәхсләрин ҹинајәт иши үзрә истинтаг бир нечә јерә ајрылыб. Талеһ Бағырзадә мәһкәмәнин һөкмү илә 20 ил мүддәтинә азадлыгдан мәһрум едилиб. Онлар истинтаг заманы ишҝәнҹә вә тәзјигә мәруз галдыгларыны дејирләр.
Диггәт: Хәбәрдән истифадә етдикдә мәнбәјә истинад лазымдыр
