Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Үмүдүнја Мүсәлманларынын Али Лидери Ајәтуллаһ Сејид Әли Хаменеи өтән ҝүн, ҝүнүн икинҹи јарысында Азәрбајҹан президенти Илһам Әлијеви гәбул едиб.
Ајәтуллаһ Хаменеи дејиб ки, ики өлкә арасында игтисади әмәкдашлыг сәвијјәси мөвҹуд потенсиал вә имканлара ҹаваб вермир. “Ики өлкә арасында тиҹарәт дөвријјәси һазыркы сәвијјәдән 10 дәфәјәдәк артырылмалыдыр. Азәрбајҹанын Иран Ислам Республикасы илә бағлы мөвгејини ө ҹүмләдән нүвә данышыглары мәсәләсиндәки мөвгејини олдугҹа јүксәк гијмәтлләндиририк. Азәрбајҹан дөвләти бејнәлхалг вә сијаси даирәләрдә даим Иранын јанында олуб. Бу мүсбәт мөвге ики өлкәни бир-биринә даһа да јахынлашдырыр”.
Имам Хаменеи бидлириб ки, мәкирли сионист режими Азәрбајҹан вә Иран арасында гардашлыг мүнасибәтләрини зәифләдилмәсинә бүтүн дүшмәнләрдән даһа артыг чалышыр. Бунун мүгабилиндә мөвҹуд сәмими әлагәләри горумаг лазымдыр.
Ајәтуллаһ Хаменеи һәмчинин Азәрбајҹан халгыны вә онун дини бахышларыны јүксәк гијмәтләндириб. “Азәрбајҹан дөвләтинин өз халгынын дини инанҹына һөрмәтлә јанашмасы даһа мәгсәдәујғундур. Белә ки, халг дөвләт тәрәфиндән дини инанҹлары илә бағлы һеч бир нараһатлыг һисси кечирмәсин. Халгын дәстәји вә етимадынын ҹәлб едилмәси бөјүк ҝүҹләрин гаршысында тохунулмазлыг јаратмаг үчүн ән башлыҹа амилдир. Әҝәр Азәрбајҹан дөвләти өз халгына архаланарса һеч бир гүввә сизә зәрәр верә билмәз. Биз дә Азәрбајҹан дөвләти вә халгынын тәрәггиси үчүн дуа едирик”.
Ҝөрүшдә президент Илһам Әлијев дејиб ки, Азәрбајҹан вә Иран һәмишә бир-биринин јанында олуб, вә бу әнәнә давам едир.
О әлавә едиб ки, ики өлкә арасында мүштәрәк тарихи, мәдәни вә дини охшарлыглар мөвҹуддур. Өтән ил 1 милјонадәк Азәрбајҹан вәтәндашынын Ирана сәфәр етмәси бу мәдәни вә дини бағларын бариз нүмунәсидир.
Президент Илһам Әлијев бәзи гүввәләрин Иранла Азәрбајҹан арасында ҝәрҝинлик јаратмаға чалышмасына тохунараг дејиб ки, ики өлкәнин әлагәләри јүксәк сәвијјәдәдир вә дүшмәнләрин бу кими аддымлары һеч бир нәтиҹә вермәјәҹәк.
Диггәт: Хәбәрдән истифадә етдикдә мәнбәјә истинад лазымдыр
