Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, өтән ҝүн Мартын 3-дә Бакы Ағыр Ҹинајәтләр Мәһкәмәсиндә һаким Мајыл Бајрамовун сәдрлик етдији просесдә ШӘРЛӘНӘН шәхсләрдән "Мүсәлман Бирлији" Һәрәкатынын сәдр мүавини Елчин Гасымов, Наһид Гәһрәманов, Ағаәли Јәһјајев, Сејфәддин Ширванов, Фәрһад Мурадов, Рамил Әлијев, Елҝүн Ахундов, Вүсал Алыш, Иса Ибраһимов, Сејмур Асланов, Әли Шаһбазов вә Әмирли Әлијевин нөвбәти гондарма мәһкәмә иҹласы кечирилиб.
Шәрләнәрәк һәбс олунан "Мүсәлман Бирлији" Һәрәкатынын үзвү Вүсал Алыш мәһкәмә иҹласында өнҹәки просесләрдә тохунулмајан дәһшәтли мәсәләләрә тохунараг дејиб: "Кәрим Әлимәрданов мәнә деди ки, "Бандотдел" "безпридел" идарәдир. О, билдирди ки, тапшырығы јухарыдан алыблар. Дејирди: "Ҝөрәҹәксиниз, Нардаран әмәлијјатында иштирак едәнләрә фәхри адлар вериләҹәк. Талеһинаркотикиттиһамыиләһәбседәҹәкдик. Лакино, Ашурадачохшејданышды. Она ҝөрә план дәјишди. Ссенари дә бундан ибарәтдир ки, ҝүја сизә силаһлары Аббас вериб. Талеһин Әли Кәримли, Ҹәмил Һәсәнли илә әмәкдашлығы олуб. Әҝәр сән бизим дедикләримизи еләмәсән, аиләни дә ҝәтирәрик бура. Биз тапшырығы елә јердән алмышыг ки, бунлар сизин адыныза јазылмалыдыр".
Вүсал Алыш даһа сонра дејиб ки, 2015-ҹи ил нојабрын 30-да маркетә ҝедән заман мүлки ҝејимли шәхсләр ону сахлајыблар:
"Онлар мәнә јахынлашыб әлимә гандал вурдулар вә өзләрини тәгдим етмәдиләр. Даһа сонра мәнимлә бирликдә евә ҝетдиләр. 15 дәгигә ахтарыш апардыгдан сонра ҝүја јатаг отағындан силаһ чыхды. Евдә ахтаыш апаран шәхсләр Баш Мүтәшәккил Ҹинајәткарлыгла Мүбаризә Идарәсинин (Бандотдел) әмәкдашлары - Тејјуб, Мүзәффәр, Ҹејһун, Рөвшән, Һәтәм вә Мирзә адлы шәхсләр иди. Мәнонлара "Кимбусилаһыгојубса, Аллаһонунбәласыныверсин" дедим. Онлар да ҹавабында "Аллаһ сизи ҹәзаландырыр" - дедиләр. Бүтүн бунлар дөрд јашлы өвладымын ҝөзү гаршысында олуб. Даһа сонра мәни "Бандотдел"ә ҝәтирдиләр. Јолда тәһгир едирдиләр. Идарәдә ҝөрдүм үрәјим ағрыјыр, хаһиш етдим гандалы ачсынлар, ачмадылар. Даһа сонра евдә гануни ахтарыш апарылмасы һаггында сәнәдә гол чәкмәјими истәдиләр. Мәнразыолмајандадедиләр "Бандотдел"иполисбөлмәсииләсәһвсалма. Бизим ишҝәнҹә отагларымыз вар. Һәтта кишиликдән дә мәһрум едә биләрик. Истәдијимиз шәхсләрдән истәдијимиз ифадәни алырыг. Биздән һеч ким һесаб сора билмәз. Хошлугла имза елә". Мән шокда идим. Елә бил ермәни әсирлијиндә идим. Мән ҝөрүрдүм ки, сахланылан шәхсләри ҝеҹәләр дөјүрләр, үстләринә нәҹис төкүрләр. Бунлардан вә аиләмин һәбсиндән горхуб дедикләри сәнәдләри имзаладым. Истинтаг заманы вердијим бүтүн ифадәм јаландыр вә һәгигәтә ујғун дејил. 28 ҝүн мән "Бандотдел"дә галдым. Һәмин мүддәтдә аиләм һарада олдуғуму билмәди. Дәрман олмасајды, ики дәфә мән инфаркт ола биләрдим. Нәзарәтчиләр ҝеҹәләр јатырдылар. Биз дәрман истәјәндә дә налајиг сөзләр ишләдирдиләр. "Бндотдел" 21-ҹи әср Азәрбајҹаны үчүн биабырчылыгдыр. Криминал аләмдә дә дејирләр ки, "Бандотдел"дән чыханлары чох сорғу-суал етмәјин, чүнки онлар тәзјигә мәруз галыб. Һәмин идарә Исҝәндәр Һәмидов тәрәфиндән јарадылыб вә сонра өзү дә һәмин идарәјә дүшүб. Арзу едирәм бизә бунлары едәнләр дә ора дүшсүн. Буҝүнә гәдәр 420 әризә јазмышам. Нәсими рајон Мәһкәмәсинә "Бандотдел"дә олан ганунсузлугларла бағлы шикајәт етмишәм. Лакин бүтүн әризәләрә формал ҹаваблар верилиб. Тәҹридханада нәзарәтчиләр дејир ҝөр һансы замана ҝәлмишик ки, сизи дә һәбс едирләр".
Даһа сонра Вүсал Алыш һәбсләрини шәрти һесаб едәрәк вурғулајыб:
"Әслиндә кишилик, ләјагәт, шәрәф, һәбс олунуб. Азәрбајҹанда нә гәдәр шәрәфли инсан вар бу һамысынын башын ҝәләҹәк. Онлар да һазырлашсынлар. Бир груп шәхс бу халга дүшмән кәсилиб. Халгы јазыг ҝүндә ҝөрмәк истәјирләр. Артыг камераларда јер јохдур. 6 нәфәрлик камераја 20 нәфәр салырлар. Мәдәт Гулијевә дә "Бандоттел"лә бағлы мүраҹиәт етмишәм. Онларын фәалијјәти арашдырылсын ҝөрәк бунлар һансы хариҹи кәшфијјат органы илә әмәкдашлыг едирләр. "Бандотдел"дәкиләр ермәнидән бетәрди. Әҝәр Талеи тутмаг истәјирдиләрсә, нијә Нардараны үч ҝүн блокадада сахладылар? Бу сојгырымыдыр. Биз дәјәрләримиз үчүн гурбан олмушуг. Һәр заман шәрәфсизләр шәрәфлиләрә ҝөрә јашајыблар. Бурада һәбс едиләнләр ҹанлы шәһид вә корифејләрдир. Тарих бундан јазаҹаг. Биз һәр бир һалда галибик".
Ҹанлы Шәһид Вүсал Алыш һаким Мајыл Бајрамова мүраҹиәт едиб:
"Сиз бу мәсулијјәтин алтындасыныз. Биз ҝүнаһсыз јерә бурадајыг. Сиз ишә әдаләтсиз бахсаныз, Аллаһын гәзәбинә туш ҝәлә биләрсиниз. Биз ҝүнаһсызлығымыза әминик".
Бүтүн ифадәләримдән имтина едирәм
Даһа сонра диҝәр тәгсирләндирилән шәхс Сејмур Асланов ифадә вериб. Гыса чыхыш едән С. Асланов дејиб ки, 2015-ҹи ил нојабрын 26-да мәнзилиндә ахтарыш апарылыб: "Ҝүја евдән силаһ чыхыб. "Бандотдел"дә Кәрим Әлимәрданов тәләб етди камеранын гаршысында дејим ки, силаһы мәнә Тале вериб. Орада мәнә ишҝәнҹә верилиб. Бүтүн ифадәмдән имтина едирәм вә мәнә верилән ишҝәнҹәләрдән данышмаг истәмирәм".
Иҹласда чыхыш едән "Мүсәлман Бирлији" Һәрәкатынын сәдр мүавини Елчин Гасымов исә дејиб ки, данышдыгларына ҝөрә һәбс едилибләр:
"Бүтүн иттиһамлар әсассыздыр. Мән бурадан депутатлара мүраҹиәт едирәм. Онлар ганунлары сифаришлә гәбул едирләр. Истәјирәм јени ганун гәбул етсинләр. Сабунчу рајон Полис Идарәсиндә мәнә дејирдиләр: "Сән Маштағадансан, дүшмүсән ортаја, ганундан данышырсан, ҝет ҝөјәртини әк". Депутатлар ганун гәбул етсинләр ки, бакылалар анҹаг ҝөјәрти әкә биләр. Анҹаг ҝөјәртини дә бәзи олигархлар өз нәзарәтләринә ҝөтүрүбләр. Һәр шеји әлә алыблар. Мән АХҸП-нин гурултајында иштирак етмишәм. Орада 6 дәгигәлик чыхыш етмишәм. Орада иштирак етмәк дә гадаған дејил. Әҝәр гадағандырса, Милли Мәҹлис бунунла бағлы да ганун гәбул етсин. "Бандотдел"дә чәкилиш едиб бизи АХҸП, Милли Шура илә бирликдә дөвләт чеврилишиндә иттиһам етмәк истәјирдиләр. "Бандотдел"дә Шаһлар Ҹәфәров әлиндә нотбук ҝәлди Кәрим Әлимәрдановун јанына, деди ки, рәис тапмышам. Дедим ҝөрән нәји тапыб. Бахдым АХҸП-нин гурултајында олан чыхышымдыр. 6 дәгигәлик чыхышы гојуб бахдылар. Һәмин мүддәтдә дә мәнә ишҝәнҹә вердиләр. Дедим, јахшы ки, 36 дәгигә чыхыш етмәмишәм. Јохса мәни өлдүрәрдиләр. Мәнә тәклиф едирдиләр ки, АХҸП вә Милли Шура илә әмәкдашлығы етираф етсәм, 3 ил шәрти ҹәза илә бурахаҹаглар".
Даһа сонра Е. Гасымов һакимә мүраҹиәт едиб: "Истәјирәм бу просеси сахлајасыныз. Ҝөрүрсүнүз ки, һеч биримиз ҝүнаһы јохдур. Тәклиф едирәм сиз Азәрбајҹан тарихинә шанлы инсан кими дүшәсиниз".
“Һаким” исә онун сөзүнү кәсиб.
Идеалым Имам Һүсејндир (әлејһи сәлам)
Тәгсирләндирилән шәхсләрдән Иса Шүкүров да гыса чыхыш едиб. Обилдирибки, "Бандотдел"дә башына басебалл топу илә вурублар:
"Кәрим Әлимәрданов мәнә "Варовској молла" дејирди. Сорушдум, бу, нә ифадәдир? Деди: "Сәнә һамы Иса Ләнкәранлы дејир. Сән Рөвшән Ләнкәранскини өзүнә идеал сечмисән". Мән дә дедим: "Идеалым Имам Һүсејндир". Һәр ким ону өзүнә идеал билсә, галиб олар. Тале Бағырзадә илә бағлы сәнәдә гол чәкдириб онун үзүнә дурмағымы истәјирдиләр. Аллаһ билир орада нә әзијјәт чәкмишәм".
Мәһкәмә просеси мартын 10-да давам едәҹәк.
Адлары чәкилән шәхсләрин бир гисми "Мүсәлман Бирлији" Һәрәкатынын үзвүдүр. Тәшкилатын сәдри, илаһијјатчы Талеһ Бағырзадә 2015-ҹи ил нојабрын 26-да Нардаранда кечирилмиш әмәлијјат заманы һәбс олунуб. Мәһкәмәнин һөкмү илә 20 ил мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәјә истинад лазымдыр
