Әһлибејт (ә) Хәбәр Аҝентлијинин вердији мәлумата ҝөрә - Дүнән Русијанын ики мәдәнијјәт сәлаһијјәтлисини гәбул едән Ајәтуллаһ Ҹавад Амули, мәрһум Имам Хомејнинин Горбачова ҝөндәрдији мәктубуна ишарә едәрәк, Ирандан јүксәлән Исламын сәсинин һәр кәсин үрәјинин дәринлијинә јахын олан бир нида олдуғуну вә бу чағырыша диггәт едилдијиндә исә һәр кәсин она ашиг олдуғуну билдириб. Иран Ислам Республикасынын гуруҹусу мәрһум Имам Хомејни 1 Јанвар 1980 тарихиндә дөврүн Советләр Бирлијинин президенти Михаил Горбачова бир мәктуб ҝөндәрәрәк, Марксист идеолоҝијасынын дағылмагда олдуғуну билдирәрәк, бәшәријјәтин тәк гуртулуш јолунун Ислам дини вә илаһи Вәһданијјәт инанҹы олдуғуну билдирмишди. Ајәтуллаһ Ҹавад Амули тәрәфиндән Горбачова тәслим едилән бу мәктубда, мәрһум Имам Хомејни Советләр бирлијинин вә марксизмин чөкмәкдә олдуғуну дилә ҝәтирмишди. О дөврдә Имам Хомејнинин мәктубуна мүсбәт ҹаваб вермәјән Горбачов исә Советләр бирлијинин дағылмасы вә Марксизмин чөкмәсиндән илләр сонра етдији ачыгламада, Имам Хомејнинин месажынын бүтүн заманлара аид олдуғуну, Имам Хомејнинин бәшәријјәтин талеји үчүн чалышан бир мүтәфәккир олдуғуну билдирмишди. Диггәт! Хәбәрдән истифадә етдикдә мәнбәјә истинад лазымдыр!
28 fevral 2017 - 16:41
Xəbər kodu: 814744
Гум Ислами Елмләр Мәркәзинин тәглид мәрҹәләриндән олан Ајәтуллаһ Абдуллаһ Ҹавад Амули, Американын сонунун да Советләр бирлији кими дағылмаг олаҹағыны билдириб.
