Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ДЕVАММ (Дини Етигад вә Vиҹдан Азадлыгларынын Мүдафиә Мәркәзи) вә Ичәришәһәр “Ҹүмә” мәсҹиди дини иҹмасы танынмыш илаһијјатчы, Азәрбајҹан Руһаниләр Мәҹлисинин үзвү, Маиде.аз сајтынын баш редактору Һаҹы Сәрдар Һаҹыһәсәнлинин (Һаҹы Сәрдар Бабајевин) һәбсини писләјән бәјанат гәбул етмишдир.
ДЕVАММ-ын сәдри, Ичәришәһәр “Ҹүмә” мәсҹидинин имам-ҹамааты Һаҹы Илгар Ибраһимоғлунун јајдығыл бәјанатда билдирилир: “Vерилән хәбәрләрә ҝөрә, һөрмәтли руһани Һаҹы Сәрдар Һаҹыһәсәнли барәсиндә Масаллы рајон мәһкәмәси тәрәфиндән һәбс гәти-имкан тәдбиринин сечилмәси барәрә гәрар чыхарылмышдыр.
Әввәла, ону гејд етмәлијик ки, Һаҹы Сәрдар Һаҹыһәсәнли өлкәнин ән дәјәрли, ән нүфузлу руһаниләриндәндир. Онун етигадлы, тәгвалы бир шәхсијјәт олмасы достлара да, бәдхаһлара да бәллидир. Ејни заманда, Һаҹы Сәрдар тәмкинли, дәгиг мөвгели бир инсандыр. Белә бир инсаны ҹүмә намазы гылмасына ҝөрә һәбс етмәк (маддә 168-1.3. Ислам дининә аид ајин вә мәрасимләрин хариҹдә дини тәһсил алмыш Азәрбајҹан Республикасынын вәтәндашы тәрәфиндән апарылмасы – тәкрар едилдикдә) – абсурд бир һалдыр.
Ән аҹысы будур ки, Һаҹы Сәрдар Һаҹыһәсәнлинин руһанилијинә һөрмәт гојмајараг, ону истинтаг мүддәтиндә һәбс етдиләр. Һалбуки, о, һеч бир вәҹһлә истинтагдан јајынмамышдыр вә һәбс үчүн әсас вермәмишдир. Бу, онун фонунда баш верир ки, јахын ҝүнләрдә просессуал вә ҹәза системинин либераллашмасы илә бағлы өлкә сәвијјәсиндә консептуал хүсуси сәрәнҹам да гәбул едилмишдир.
Иттиһамын өзүнә ҝәлдикдә, Һаҹы Сәрдар Һаҹыһәсәнлинин һеч бир ҝүнаһынын олмамасы һамыја, о ҹүмләдән, истинтаг органларына да бәллидир. Белә ки:
1. Һаҹы Сәрдар Һаҹыһәсәнли илкин дини тәһсилини Азәрбајҹанда алыб;
2. Һаҹы Сәрдар хариҹдә дини тәһсил алмаға һәлә Совет вахты ҝедиб;
3. Һәр бир һалда, ганунун ҝеријә гүввәси јохдур;
4. Һаҹы Сәрдар Һаҹыһәсәнли һеч бир кәсин һүгугуна гәсд етмәјиб, иҹтимаи асајиши позмајыб;
5. Масаллыда ҹүмә намазы гылмаға бөлҝәнин рәсми газиси тәрәфиндән дәвәт олунуб;
6. Һәр бир һалда, Һаҹы Сәрдар Һаҹыһәсәнли ҹүмә намазыны профессионал фәалијјәт кими һәјата кечирмәјиб, дини ајинләри коллектив сурәтдә һәјата кечирмәк барәдә конститусион һүгугунун реализәси кими јеринә јетириб. Vә буна ҝөрә инсаны тәгиб етмәк – јолверилмәздир вә һагларын позулмасыдыр.
7. Конститусијанын:
48.II маддәсинә ҝөрә, һәр кәсин динә тәкбашына вә ја башгалары илә бирликдә етигад етмәк, динә мүнасибәти илә бағлы әгидәсини ифадә етмәк вә јајмаг һүгугу вардыр.
71.II маддәсинә ҝөрә, инсан вә вәтәндаш һүгугларынын вә азадлыгларынын һәјата кечирилмәсини һеч кәс мәһдудлашдыра билмәз.
71.IV маддәсинә ҝөрә, һеч бир һалда һеч кәс дин, виҹдан, фикир вә әгидәсини ачыгламаға ҝөрә тәгсирләндирилә билмәз.
71.V маддәсинә ҝөрә, Конститусијанын һеч бир мүддәасы инсан вә вәтәндаш һүгугларынын вә азадлыгларынын ләғвинә јөнәлдилмиш мүддәа кими тәфсир едилә билмәз.
Бундан әлавә, Азәрбајҹан һөкумәтинин гошулдуғу БМТ-нин Мүлки вә Сијаси Һүгуглар һаггында Пактында (маддә 18), БМТ-нин Инсан Һаглары Үмуми Бәјаннамәсиндә (маддә 18), Инсан Һаглары вә Әсас Азадлыгларынын Мүдафиәси һаггында Авропа Конвенсијасында (маддә 9) бирмәналы олараг, дини етигад азадлығы, о ҹүмләдән коллектив ибадәт һүгугу бирмәналы сурәтдә тәсдигләнир.
Беләликлә, Һаҹы Сәрдар Һаҹыһәсәнлинин тәгибинин һеч бир гануни вә һугуги әсасынын олмадығыны бәјан едирик.
Бунлары нәзәрә алараг, Һаҹы Сәрдар Һаҹыһәсәнлинин һәбсини инсан һагларынын вә әсас азадлыгларынын позулмасы кими гијмәтләндирир, она гаршы едилән һәрәкәтләри тәгиб кими дәјәрләндиририк.
Әлагәдар органлара, Һаҹы Сәрдар Һаҹыһәсәнлини дәрһал азадлыға бурахмагла бағлы чағырыш едирик".
Диггәт: Хәбәрдән истифадә етдикдә мәнбәјә истинад лазымдыр
