Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бөјүк әксәријјәтини Шиәләр тәшкил едән Бәһрејндә өлкәјә ганунсуз һаким кәсилмиш вәһһаби режимин ҝүҹ структурлары бу ҝүн 21 Феврал тарихиндә јерли вахтла 08:00 радәләриндә Шәһид етдикләри ҹаванын ҹәсәдини аилә үзвләринә ҝери гајтарыблар.
Шәһид олмуш Абдуллаһ Әҹузун валидејнләри өвладынын неҹә Шәһид едилмәси һагда данышараг белә дејиб: “Өтән ҝүн сәһәр радәләриндә үзү бағлы бир нечә шәхс мүлки ҝејимдә полис мәмурлары илә бирликдә Нувејдират мәнтәгәсиндә јашајан аиләләрин мәнзилләринә ганунсуз јүрүш едәрәк одлу силаһлардан атәш ачмаға башладылар. Оғлум Абдуллаһ исә онлар тәрәфиндән һәбс едилдикдән сонра баш вә синә наһијјәсиндән полис мәмурлары тәрәфиндән алдығы одлу силаһ јараларындан сонра Шәһид едилиб.”
Абдуллаһ Әҹузун гоһумларындан бири исә, белә билдириб: “Бәһрејн Дахили Ишләр Назирлији Шәһид Абдуллаһын аиләсинә тәзиг ҝөстәрәрәк өвладларынын ҹәсәдини бу ҝүн (21 Феврал) сәһәр радәләриндә тәһвил алараг дәфн етмәләрини тәләб едиб. Ејни заманда гејд етмәлијик ки, Тибби Експердисијанын рәјиндә ҝөстәрилир ки, Абдуллаһ Әҹуз үш мәртәбәли бинанын дамындан јыхылараг вәфат едиб. Амма факт исә там башгадыр. Чүнки Шәһид Абдуллаһын јашадығы мәнтәгәдә үмумијјәтлә үч мәртәбәли бина јохдур”.
Диггәт: Хәбәрдән истифадә етдикдә мәнбәјә истинад лазымдыр
