Әһлибејт (ә) Хәбәр Аҝентлијинин вердији мәлумата әсасән февралын 11-дә ахшам саатларында Дағлыг Гарабағда ермәниләр тәрәфиндән мөвгеләримизин атәшә тутулмасынын гаршысы алынаркән атышмада Силаһлы Гүввәләримизин һәрби гуллугчусу мүддәтдән артыг һәгиги һәрби хидмәт һәрби гуллугчусу кичик чавуш Гафаров Фуад Фәрһад оғлу шәһид олуб.
Мүдафиә Назирлијинин рәһбәрлији шәһидин јахынларына, әзизләринә дәрин һүзнлә башсағлығы верир вә сәбр диләјир! Һәмчинин Ермәнистан Республикасы Нојемберјан рајонунун Довех, Иҹеван рајонунун Беркабер кәндләриндә јерләшән мөвгеләрдән Газах рајонунун Кәмәрли, Гызылһаҹылы кәндләриндә, Берд рајонунун Ајгепар, Чинари кәндләриндә јерләшән мөвгеләрдән Товуз рајонунун Әлибәјли, Ағбулаг кәндләриндә, Красноселск рајону әразисиндәки адсыз јүксәкликләрдә јерләшән мөвгеләрдән Ҝәдәбәј рајону әразисиндәки адсыз јүксәкликләрдә јерләшән мөвгеләримиз атәшә тутулуб.
Тәртәр рајонунун ишғал алтында олан Ҝөјарх, Чиләбүрт кәндләри јахынлығында, һәмчинин Ҝоранбој, Фүзули вә Ҹәбрајыл рајонлары әразисиндәки адсыз јүксәкликләрдә јерләшән мөвгеләрдән дә Силаһлы Гүввәләримизин мөвгеләри атәшә тутулуб.
Әмәлијјат шәраитинә ујғун олараг бөлмәләримиз тәрәфиндән адекват ҹаваб тәдбирләри ҝөрүлүб.
Диггәт!Хәбәрдән истифадә етдикдә мәнбәјә истинад лазымдыр
