Әһлибејт (ә) Хәбәр Аҝентлији-Бу ҝүн Азәрбајҹанын Милли Гәһрәманы Мүбариз Ибраһимовун доғум ҝүнүдүр. Модерн.аз сајтынын мәлуматына ҝөрә, Милли Гәһрәман Мүбариз Ибраһимов 1988-ҹи ил февралын 7-дә Биләсувар рајонунун Әлиабад кәндиндә анадан олуб. 2005-ҹи илдә орада орта тәһсилини баша вуруб. Әсҝәри хидмәтини Дахили Гошунларын "Н" сајлы һәрби һиссәсинин Хүсуси Тәјинатлы Бөлүјүндә кечириб. 2009-ҹу илин август ајында јенидән ҝизир рүтбәсиндә һәрби хидмәтә башлајыб. Бир мүддәт сонра өз арзусу илә ҹәбһә бөлҝәсиндәки һәрби һиссәләрдән бириндә хидмәт етмәјә башлајыб.
19 ијун 2010-ҹу ил тарихиндә ҝеҹә саат 23:30 радәләриндә ҝизир Мүбариз Ибраһимов тәкбашына ики орду арасындакы бир километрлик миналанмыш саһәни кечәрәк ермәни сәнҝәринә һүҹум едиб. Дүшмәни ағыр иткиләрә мәруз гојан Азәрбајҹан дөјүшчүсү сәһәр саатларында гејри-бәрабәр дөјүшдә гәһрәманҹасына һәлак олуб.
19 ијун 2010-ҹу ил тарихиндә Тәртәр рајонун Чајлы кәнди јахынлығында шәһид олуб. Дүшмәнлә арамсыз данышыглардан сонра онун мејитини ҝери алмаг мүмкүн олуб. Өлүмүндән сонра М.Ибраһимова Милли Гәһрәман ады верилиб.
Диггәт! Хәбәрдән истифадә етдикдә мәнбәјә истинад лазымдыр!
