Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Милли Шура Нардаран “иши” илә әлагәдар апарылан гондарма мәһкәмә гәрарына гаршы етираз долу бәјанат јајымлајыб
Бәјанатда дејилир: ""Нардаран иши" үзрә кечирилән мәһкәмә Азәрбајҹан тарихинин ән рүсвајчы, ејни заманда ән әдаләтсиз вә гәддар һөкмүлә јадда галаҹаг."
Бәјанатда Дахили Ишләр Назирлијинин 26 нојабр 2016-ҹы илдә Бакынын Нардаран гәсәбәсиндә һәјата кечирдији хүсуси әмәлијјатдан, кечирилән мәһкәмә просесиндән сөз ачылыр:
"Милли Шура бәјан едир ки, тәгсирләндирилән шәхсләрин ҝүнаһсызлығы әслиндә мәһкәмәдә сүбута јетирилиб вә онлара бәраәт верилмәли, әвәзиндә Нардаран әмәлијјатына ҝөстәриш верәнләрин вә әмәлијјаты һәјата кечирәнләрин мәсулијјәтини арашдырмаг үчүн просесә башланмалы иди".
Милли Шура бу иш үзрә барәләриндә һөкм чыхарыланларын, еләҹә дә мәһкәмәләри башлајан диҝәр ики групдакы шәхсләрин азадлыға бурахылмасыны тәләб едир. "Нардаран иши" үзрә биринҹи мәһкәмәдә јол верилән позунту вә ганунсузлуглара ҝөрә мәсулијјәт дашыјанларын һамысы мүвафиг гајдада ҹәзаландырылмалыдыр", дејә сәнәддә гејд едилир. ("Туран" ИА)
Милли Шура бәјан едир ки, бүтөвлүкдә Нардаран әмәлијјатынын өзү кими, бу мәһкәмә һөкмү дә ҹәмијјәтдә горхуну дәринләшдирмәк нијјәтинә чата билмәјиб:
"Бу мәһкәмә просеси әнәнәви демократик дүшәрҝә илә өлкәдә көклү дәјишиклијин тәрәфдары олан инанҹлы кәсим арасында етимадын ҝүҹләнмәсинә, онларын демократик вә һүгуги дөвләт амалы уғрунда ортаг мөвгејә ҝәлмәсинә васитә олуб".
Милли Шура бәјан едир ки, Азәрбајҹанда динҹ демократик дәјишиклијә наил олмаг үчүн ҹәмијјәтин бүтүн актив тәбәгәләринин бу мәгсәд уғрунда сәфәрбәр олмасына еһијаҹ вар.
"Јалныз бирҝә сәјләримизлә дүнјәви һүгуг дөвләти гура биләндән сонра һамымызын мараг вә мәнафеләри, идеја вә фәалијјәт азадлығы тәмин олуна биләр. Милли Шура Азәрбајҹан халгыны өлкәдәки һагсызлыг вә әдаләтсизлијә, о ҹүмләдән Нардаран һадисәсинә ҝөрә ҝүнаһсыз инсанларын һәбс олунмасына даһа уҹа сәслә етираз етмәјә, демократија наминә динҹ мүбаризәјә даһа инамла сәфәрбәр олмаға чағырыр"- бәјанатда дејилир.
МиллиШураинамыныбилдирирки, индикиавторитаррежимбундансонраузунмүддәтәдавамедәбилмәјәҹәк:
"Азәрбајҹанда көклү демократик дәјишикликләрин зәрурилијини артыг әһалинин даһа ҝениш тәбәгәләри дәрк едир вә бунун уғрунда мүбаризәјә гошуланларын сырасы ҝенишләнир. Халгымыз тезликлә өз сөзүнү дејәҹәк вә инди Нардаран һадисәсинә ҝөрә һәбс едиләнләр дә, режимин диғәр ҝүнаһсыз гурбанлары, бүтүн сијаси мәһбусларымыз кими, һагг етдикләри азадлыгларына говушаҹаглар".
Бакы Ағыр Ҹинајәтләр Мәһкәмәсиндә һаким Әлөвсәт Аббасовун сәдрлији илә кечирилән мәһкәмәдә "Мүсәлман Бирлији" Һәрәкатынын лидери Талеһ Бағырзадә 20 ил, онун мүавини Аббас Һүсејн 20 ил, АХҸП сәдринин мүавини Фуад Гәһрәманлы 10 ил, галанлары 19, 17 вә 14 ил јарым мүддәтә азадлыгдан мәһрум едилиб.
Диггәт: Хәбәрдән истифадә етдикдә мәнбәјә истинад лазымды
