Ахунд Һаҹы Мәсимин өлкәдән чыхышына, оғлунун өлкәјә ҝиришинә СТОП гојулуб. Нијә?

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Бүлбүләдә кечмиш дини иҹманын сәдри вә "Имам Хомејни" Мәсҹидинин кечмиш ахунду Һаҹы Мәсим Новрузовун Азәрбајҹандан чыхышына изин верилмәјиб.

Верилән мәлумата ҝөрә, сәрһәдчиләр базар ертәси ҝүнорта саатларында 65 јашлы ағсаггал Һаҹы Мәсим Новрузову Астара Ҝөрмүк мәнтәгәсиндән Иран Ислам Республикасы тәрәфә кечмәсинә имкан вермәјибләр.

"Узун мүддәтдирки, Һаҹы Мәсим Новрузов Иран Ислам Республикасына Мәшһәд зијарәтинә, һәмчинин Гумда тәһсил алан оғлунун јанына ҝетмәк истәјирди. Бу ҝүн ҝүнорта саатларында Астара Ҝөмрүјүндә она билдирибләрки, сәнин өлкәдән чыхышына гадаға вар. Ода нараһат һалда Бакыја - евинә ҝери дөнүб", -дејә Исламазери.аз-а бу һагда онун јахынлары билдирибләр. Һаҹы Мәсим Новрузов мәсәлә илә бағлы бир мүвафиг органлара мүраҹиәт едиб, гадаға мәсәләсинин һансыса ҝүҹ структуру тәрәфиндән гојулдуғуну билдирибләр вә әтрафлы мәлумат вермәјибләр.

Гејд едәк ки, Һаҹы Мәсим Новрузовун оғлу, илаһијјатчы вә һазырда Гум шәһәриндә илаһијјат тәһсили алан Руһуллаһ Новруззадәнин исә Азәрбајҹана ҝиришинә изин верилмир. Белә ки, өтән илин јај ајларында Азәрбајҹана јај тәтилинә ҝәлән, Руһуллаһ Новруззадә Азәрбајҹан сәрһәдчиләри тәрәфиндән ҝери гајтарылыб; она билдирибләрки, сәнин өлкәјә ҝиришинә гадаға вар. Руһуллаһ Новруззадәнин һәјат јолдашы мәсәлә илә бағлы мүвафиг органлара мүраҹиәт едиб вә она гадаға мәсәләсини тәсдиг едибләр.

Хатырладаг ки, Һаҹы Мәсим Новрузов һазырда һәбсдә олан илаһијјатчы Абҝүл Сүлејмановун гајнатасыдыр.



Диггәт: Хәбәрдән истифадә етдикдә мәнбәјә истинад лазымдыр