Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ишғалчы ҹүһүд режиминин баш назири Бенјамин Нетанјаһонун әлијевләр режиминә етдији мәлум “сәфәринин” ардынҹа бу өлкәдә әксәријјәтини (98%-ни) тәшкил едән Мүсәлман Шиәләрә гаршы режим мәмурлары тәрәфиндән ардыҹыл шәкилдә агрессив аддымлар атылыр. Ганлы Нардаран “иши” илә бағлы кечирилән гондарма мәһкәмә просесиндә Тале Бағырзадәјә өмүрлүк, вә диҝәр ШӘРЛӘНМИШ мүлки вәтәндашлара исә, 30, 20, 15 ил мәһбәс һәјаты истәнилмәси, Ханым Фатимәи Зәһра (сәламуллаһи әлејһа) адына Мәсҹид әразисинин мәнимсәнилмәси просесинин апарылмасы вә Елмар Вәлијев Ҝәнҹәдә Имам Һүсејн (әлејһис сәлам) мејданына һүҹум едиб Имам Һүсејнин (әлејһис сәлам) пак Ады јазылмыш шүары зибиллијә тулламасы садәҹә Ислама вә Шиәчилијә јөнәлмиш ҝениш бир гара пиарын илкин һиссәләридир...
Мәлуматымыза ҝөрә, Ҝәнҹә шәһәриндән олан һал шаһиди мүшаһидә етдији сәһнә илә бағлы белә дејиб: "Өзүм шәхсән ҝирмишәм Имамзадәјә, ҝөрдүм ки, Имам Һүсејн (әлејһи сәлам) мејданында адынын јазылдығы лөвһә јохдур. Сорушмушам, мәнә зибиллији ҝөстәрибләр. Орда архада, Гурбанлыгда гурбанкәсмә мәрасими үчүн јер вар, онун архасы да зибилликдир. Һәм минбәри, һәм дә "Имам Һүсејн (әлејһи сәлам)" јазылан лөвһәни ора атыблар..."
Ибни Зијад ләгәбини газанмыш Елмар Вәлијевин белә бир аддымы сосиал шәбәкә истифадәчиләринин дә гејзинә сәбәб олмушдур. Белә ки, Азәрбајҹанын дәјәрли мүбариз Руһаниләридән олан Тоһид Ибраһимли шәхси сәһифәсиндә “Елмар Вәлијевин интиһара ҹәһди...” адлы бәјанат јајымлајараг бу рәзаләтә етиразыны билдирмишдир.
Бәјанатын там мәтнин сајтымызын изләјиҹиләринә тәгдим едирик:
“Елмар Вәлијев Ҝәнҹәдә Имам Һүсејнин (әлејһис сәлам) мејданына һүҹум едиб.
Имамзадәдә олан минбәрлә бир јердә Имам Һүсејн (әлејһис сәламын) Ағанын мүбарәк адыны мејдандан гырыб, зибиллијә атыб.
Үмумијјәтлә тарих боју һәр кәс кимлилијиндән аслы олмајараг Имам Һүсејнә (әлејһис сәлам) гаршы рәфтарына фикир вермәјибсә о интиһар кәндирини өз бојнуна кечиртмәли олуб.
Һүсејнлә (әлејһис сәлам) дүшмәнчилик едән һәр кәс өз ҹанына вә игтидарина гәсд едиб.
О, ҹылыз, ики ајаглы һејван буну ганмыр ки, бу радикал һәрәкәтләр Мүсәлман ҹәмијјәтини гејрәтләндирир, она шүҹаәт верир, јүзләрлә ҹаһили диндар вә јүзләрлә диндары мүҹаһид едир.
Ачыг ашкар Имам Һүсејнлә (әлејһис сәлам) дүшмәнчилик халгын ҝөзүнү ачыр, халг дүшмәнинин ким олдуғуну таныјыр, јатмышлары јухудан ојадыр...
Ҹылыз һөкмдарлар ахмаглыг нәтиҹәсиндә бу һәрәкәтләрә әл атырлар. Имам Һүсејн (әлејһис сәлам) мәктәбини танымајан бу сәфеһләр радикал гәрарлар нәтиҹәсиндә өз мөвҹудијјәтләринә гәсд едиб, интиһарла һәјат дәфтәрләрини бағлајыб, әбәди ҹәһәннәмә јола дүшәрәк, тарихин зибиллијинә атылырлар.
Һәгигәтән әбәди ҹәһәннәм, инсанијјәт дүшмәнләринин вәһшәтли вә дәһшәтли ән горхунҹ сон мәнзилидир.
Тоһид Ибраһимбајли"
Диггәт: Хәбәрдән истифадә етдикдә мәнбәјә истинад лазымдыр
