Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Милли Истиглал Партијасынын лидери Етибар Мәммәдов 2010-ҹи илдә белә бир иддиа сәсләндириб:
«20 јанвар һадисәләри заманы бирбаша индики баш назир Артур Рәсизадәнин имзасы илә Москваја телеграм вурулуб вә «гајда-ганун јарадылмасы» үчүн гошун јеридилмәсинә еһтијаҹ олдуғу билдирилиб».
20 јанвар депутат истинтаг комиссијасында ишчи групунун рәһбәри олмуш Сәфтәр Нәһмәдов дејир ки, әслиндә белә телеграмлар тәк Артур Рәсизадәнин имзасыјла ҝетмәјиб. Онун сөзләринә ҝөрә, о вахт комиссија бу һадисәләри арашдыранда үзә чыхыб ки, јанварын 13-дән сонра бүтүн дөвләт гурумларына тапшырылыбмыш ки, көмәк үчүн Москваја мүраҹиәт етсинләр.
Сәфтәр Нәһмәдов дејир ки, 20 јанвар фаҹиәсиндән сонра бир нәфәр дә олсун вәзифәли шәхс баш верәнләрә етираз олараг истефаја ҝетмәјиб.
«Она ҝөрә ки, мүтәшәккил шәкилдә Мәркәзи Комитә тәрәфиндән тәшкил олунмуш телеграмлары онлар Москваја өзләри ҝөндәрмишдиләр. Ҝөрүн һәмин дөврдә вәзифәдә ишләјән Мәркәзи Комитәнин 1-ҹи катиби, Назирләр Кабинетинин сәдри, Республика Прокурорлуғу, ДИН, ДТК етираз етдими ки, Азәрбајҹана бу гошун континҝенти нәјә лазымдыр, нәјә ҝәлиб. Чүнки телеграмлары өзләри вуруб...»- дејә Сәфтәр Нәһмәдов билдириб.
Азәрбајҹан Халг Ҹәбһәсинин игтидары дөврүндә баш назир олмуш Пәнаһ Һүсејн дејир ки, о вахт јерли һөкумәтин Москваја мүраҹиәти бир фактдыр:
«Белә бир сәнәдин олмасы 20 јанвар һадисәләрилә бағлы олан истинтаг материалларында вар иди. Бу да һеч вахт Артур Рәсизадә тәрәфиндән тәкзиб олунмајыб. Бу бир фактдыр ки, вәзијјәтин ағырлығы нәзәрә алынараг Азәрбајҹан һөкумәтинин адындан белә бир телеграм ҝедиб. Амма бу фактдыр вә индијә гәдәр дә бу инкар олунмајыб...»
Мүасир Мүсават Партијасынын сәдри Һафиз Һаҹыјев исә дејир ки, Бәзи инсанлар дејир ки, Совет һөкумәти өз-өзүнә дағылаҹагды. Амма бу гәти олараг белә дејил.
Партија сәдринин сөзләринә ҝөрә, о, 20 јанвар һадисәләринин иштиракчысы олуб:
“Һәмин ҝүнләри чох ҝөзәл хатырлајырам. Етибар Мәммәдов, Пәнаһ Һүсејнлә биз күчәләрдә идик. Президент Апаратынын габағында бүјүк бир издиһам вар иди. Биз билирдик ки, Артур Расизадәнин мәктубу әсасында комунистләр Азәрбајҹана гошун ҝөндәриб. Биз инсанлары президент апараты әтрафындан узаглашдырмаг үчүн нә гәдәр чағырыш етсәк дә инсанлар бизә гулаг асмады. Халгын милли әзми о гәдәр ҝүҹлү иди ки, халгымыз танкларын өнүндән ҝери чәкилмәди. Халгымыз өлүмүн ҝөзүнә дик бахды. Сапы өзүмүздән олан балталар рус гошунларыны өлкәмизә дәвәт едәрәк инсанлары гырғына верди. Бәзи инсанлар дејир ки, Совет һөкумәти өз-өзүнә дағылаҹагды. Амма бу гәти олараг белә дејил. Комунистләр бу бирлији сахламаг үчүн һәр шејә әл атдылар. Амма сонунда ҝөрдүләр ки, 20 јанвардан дәрһал сонра Бакыда күчәјә 2 милјона јахын адам чыхды. Комунистләрин 2 варианты галмышды. Ја бу 2 милјону өлдүрмәк, ја да чыхыб ҝетмәк. Онлар халга мәғлуб олуб 2 - ҹи варианты сечди. Бу һадисә ССРИ-дә дәрин чатлар јаратды, нәтиҹәдә дә халглар мүстәгилликләринә говушду.
Парламентимизин тәркибинә баханда ҝөрүрүк ки, орада олан инсанларын бир һиссәси кечмиш коммунистләрдир. Инди маскаланыб өзләрини ЈАП үзвү кими гәләмә верирләр...”
Һафиз Һаҹијев дејиб:
“20 јанвары төрәдәнләр һазырда өлкәмиздә вәзифәдәдир. Бу шәхсләр һазырда Азәрбајҹаны јенидән сојгырыма мәруз гојурлар. Һеч нә дәјишмәјиб… Газах рајонунун бөјүк бир әразисини ермәниләрә верән Шамил Рәсулзадә Артур Расизадәнин әмисидир. Бүтүн бу фактлар ачылмалыдыр…”
Диггәт: Хәбәрдән истифадә етдикдә мәнбәјә истинад лазымдыр
