Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, 2016-ҹы илин нојабр ајынын 26-да Гобустанда јерләшән Гапалы Типли Ҹәза Чәкмә мүәссисәсиндән 12 сајлы ҸЧМ-нә көчүрүлән АИП лидери Мөвсүм Сәмәдова гаршы һәбсхана ишчиләри тәрәфиндән сүни проблемләр јарадылыраг тәзјигләр едилир
АИП лидеринин вәкили Јалчын Имановун сөзләринә ҝөрә, нојабр ајынын 26-дан бу ҝүнә гәдәр Мөвсүм Сәмәдов ики дәфә 15 вә 7 суткалыг карса салыныб.
Ејни заманда АИП лидеринә һеч бир сәбәб ҝөстәрилмәдән 3 дәфә төһмәт верилдијини вә бир дәфә хәбәрдарлыг едилдијини сөјләјән Јалчын Иманов, “сөзүҝедән ҹәзаларын һеч бир әсасы вә сәбәби ҝөстәрилмәјиб. Нојабрын 26-да 12 сајлы ҸЧМ-нә ҝәтирилән кими Мөвсүм Сәмәдов дәрһал ҹәримә камерасына салыныб. Һалбуки мәһбусун дәрһал ҹәримә камерасына салынмасы үчүн дахили интизам гајдасы позулмалыдыр ки, АИП лидери бунлардан һеч бирини етмәјиб”, - дејә билдирди:
“Дүшүнүрәм ки, Мөвсүм Сәмәдовла баш верәнләр о анлама ҝәлир ки, ону јенидән Гобустан Гапалы Типли ҸЧМ-нә ҝөндәрмәк үчүн әсаслар јарадылыр. Доктор Сәмәдов һеч 2 ај јохдур ки, 12 сајлы ҸЧМ-нә ҝәтирилиб артлыг 2 дәфә карс, бир нечә төһмәт вә хәбәрдарлыг верилиб. Белә бир шеј һеч бир јердә ҝөрсәнмәјиб.”
Вәкил сонда ону да гејд етди ки, Мөвсүм Сәмәдовун сәһһәтиндә гриплә бағлы әлагәдар бир гәдәр нараһатчылыг јараныб. Лакин әһвал руһијјәси һәмишә олдуғу кими гајдасындадыр.
Диггәт: Хәбәрдән истифадә етдикдә мәнбәјә истинад лазымдыр
