Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Теһранда јерли вахтла 07:00 радәләриндә Түркијә, Алманија вә Инҝилтәрә сәфирликләри гаршысында јерләшән “Пласко” тиҹарәт мәркәзиндә јанғын баш вериб.
Јанғыны сөндүрмәк үчүн һадисә јеринә бир нечә јанғынсөндүрмә бригадасы ҹәлб олунуб, нәтиҹәдә јанғын сөндүрүлүб. Лакин бир нечә дәгигә сонра јенидән јанғын башлајыб вә бинанын чөкмәсинә сәбәб олуб. Чөкмә нәтиҹәсиндә әксәријјәти јанғынсөндүрән олан 50 нәфәр хәсарәт алыб.Онлардан 23-ү хәстәханаја јерләшдирилиб.
Чөкмүш бинанын әтрафында јерләшән сәфирликләр бошалдылыб.
Теһран әјаләтиндә фөвгәладә вәзијјәт елан едилиб, хиласетмә ишләринә орду ҹәлб олунуб. Итләр васитәси илә дағынтылар алтында галанларын ахтарышы давам етдирилир.
Мүмкүн газ партлајышларынын гаршысыны алмаг мәгсәди илә бөлҝәдә газын верилиши дајандырылыб.
Гејд едәк ки, 17 мәртәбәли “Пласко” Теһранда тикилмиш илк чохмәртәбәли бинадыр. Јанғынын сөндүрүлмәсинә 200 јанғынсөндүрән ҹәлб олунуб. Бинанын чөкмәси нәтиҹәсиндә јанғынсөндүрәнләрдән 30 нәфәрин дағынтылар алтында галдығы билдирилир. Иран мәтбуаты онларын һәлак олдуғу барәдә јазыр.
Диггәт: Хәбәрдән истифадә етдикдә мәнбәјә истинад лазымдыр
