Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн 16 Јанвар 2017 тарихдә Бакы Ағыр Ҹинајәтләр Мәһкәмәсиндә "Мүсәлман Бирлији" Һәрәкатынын һәбсдә олан сәдри Тале Бағырзадә вә диҝәрләринин мәһкәмәси давам едиб.
Мәлумата ҝөрә, әдаләтсиз һаким Әлөвсәт Аббасовун сәдрлик етдији гондарма иҹласда Шәрләндирилән Бәһруз Әсҝәров сон сөз дејиб. О, иттиһам үзрә өзүнү тәгсирли билмәјиб:
"Нардаранда полисләр гадынлара, ушаглара, бизә атәш ачыб, ҝүллә јағышына тутублар. Бәдәнимдә һәлә дә ҝүллә јаралары галмагдадыр. Мәни хәстәханаја полис јох, кәнд адамлары апарыб. Бизи хәстәханада һәбс етдиләр. Орада мәни вурмаг истәдиләр, лакин полисләрдән бири гојмады. Орада билдим ки, бизи һәм дә полис өлүмүндә иттиһам едирләр. Реанимасијада мәндән ифадә алыблар. Һәмин вахт мәнә морфи вурмушдулар. Ағлым башымда дејилди. Јазыланлара гол чәкдим. "Бандотдел"ә апарыланда дедиләр, сәндә гумбара олуб. Мән дә дедим, јаландыр. Һәмин вахт бир ајағым ҝипсдә иди. Мәнә һеч бир јардым ҝөстәрилмәди. Һеч тәбии еһтијаҹымы да өдәјә билмирдим. Мән мәһкәмәдән һеч нә ҝөзләмирәм. Чүнки мәһкәмә һәр шејә ҝөз јумду. Сиз бу ишә сифаришлә бахырсыныз. Халг бизим бәраәтимизи вериб. Азәрбајҹанын елә ҝөркәмли хадимләри олуб ки, онлара һәбс верилиб. Лакин онлар һәр заман јад едилир. Һөкм охујан һаким исә ләнәтләнир". Һаким исә дејиб ки, бу мәһкәмәјә тәзјиг кими гијмәтләндирилир.
"Бу халг гејрәтли халгдыр. Инанырам халг өз сөзүнү дејәҹәк. Халг артыг безиб рүшвәтхорлугдан, һагсызлыгдан. Полисләр горху мәнбәјинә чеврилиб. Бизи һәбс горхуда билмәз. Сиз бизим сәсимизи кәсә билмәзсиниз. Биз залым топ-түфәнҝинин гаршысында киши кими дајанмышыг. Һәгигәт сонда јерини тапаҹаг. Ахирәтдә Аллаһ һөкм верәҹәк, сиз сон сөз дејәҹәксиниз. Сизин һөкмүнүзүн һеч бир әһәмијјәти јохдур. Һөкм Аллаһа мәхсусдур" - Бәһруз Әсҝәров фикрини јекунлашдырыб.
Даһа сонра иҹласда Исламчы мәһбус Һаҹы Тале Бағырзадә сон сөзлә чыхыш едиб. О, онлары мүдафиә едән вәкилләр, тәшкилат, партија вә диҝәр дәстәк олан инсанлара тәшәккүр едиб:
"Гәрб өлкәләринин сәфирликләринин нүмајәндәләри ҝәлиб бизә дәстәк олдулар. Мән һесаб едирдим ки, мүсәлман өлкәләри бизи мүдафиә едәрләр. Хүсуси тәшәккүрүмү зәриф гәһрәманым олан Лејла Јунуса билдирирәм. Мән дәфәләрлә шәрләниб һәбс едилмишәм. Һәмишә бир-ики маддә илә иттиһам верирдиләр. Бу дәфә 21 маддә илә иттиһам верибләр. Она ҝөрә һәр шејдән даныша биләрәм. Нардаран һадисәләри тарих јазды. Бизим үчүн бу шәрәфли тарихдир. Сиз мәним ҹисмими һәбс етмисиниз. Мәнә ишҝәнҹә вериләндә һәзз алырдым. Аллаһ өзү мәнә белә ҝүҹ вермишди. Мән чохдан Фуад Гәһрәманлы илә таныш олмаг истәјирдим. Онун һәбси бизим нә гәдәр хејримизә олду. Бу аилә бизә јардымчы олду. Мән өзүмә баҹы олараг Зүмрүд Јағмуру тапмышам. Онун јазыларыны охујурдум. О киши гејрәтли гадындыр".
Т.Бағырзадә ифадәсиндә билдириб ки, Нардаран һадисәси әгидә формалашдырыб:
"Мәнә дәстәк мәктублары ҝәлир. Һәр кәсә тәшәккүрүмү билдирирәм. Мәнә прокурор иш истәди. Мән тәк-түк һалларда бәддуа едирәм. Бу ҝәнҹ прокурора бәддуа етмәјәҹәм. Чүнки систем дүзҝүн олса, бунлар олмазды. ЈАП јарадыҹысы олан Сируз Тәбризли дејирди ки, ЈАП симасыз гулдурларын партијасыдыр. Лакин мән дејәрдим ки, сималы гулдурлар партијасыдыр. Биз гулдур һөкумәтлә баш-баша ҝәлмишик. Тарих тәкрарланыр. Бу, 37- ҹи илдир. Садәҹә о заман халг мүстәгил дејилди. Нардара һадисәси Аллаһын бир лүтфүдүр. Мәндән Әли Кәримли әлејһинә ифадә алмаг истәјирдиләр. Чүнки бизим бирлијимиздән горхурлар. Һакимијјәт бизи ҹәзаландырмаг истәди, лакин баҹармады. Бу ҝүн халг гујудадыр. Халгы чыхармаг үчүн һамымыз бир олмалыјыг. Бу ҝүн халгын буҝүнә дүшмәсинә сәбәб девалвасија вә банклар јох, рәһбәрлијин зүлмүдүр. Халг бу зүлмләрдән горхур. Халг Аллаһдан горхмур, амма бу гулдурлардан горхур. Биз дә онлара чатдырдыг ки, горхмаг лазым дејил. Түркијәдә полис шәһид оланда адамлар јас сахлајыр. Анҹаг бурада полис инсанлары шәрләјир, ишҝәнҹә верир.
"Бандотдел"дә 47 ҝүн мәни һамама ҝетмәјә гојмадылар. Мән палтарымы јујуб јаш ҝејинирдим. Ишҝәнҹә верәнләр дә дејирди ки, биз өз палтарымызы сәнә верәк. Мән разы олмадым. Халг Аллаһдан горхмалыдыр. Нијә бүтпәрәстлијә шәраит јарадырсыныз? Мәмурлар ҝәлир Һејдәр Әлијевин мәзары өнүндә баш әјирләр. Мән ермәни тәрәфдә галан әсҝәрин мејидинә ҝөрә нараһатам. Ермәниләр бу һакимијјәтә ҝөрә севинирләр. Она ҝөрә севинирләр ки, билирләр бунлар Гарабағы алан дејил. Ҝөрүн биз неҹә һакимијјәтлә гаршы-гаршыјајыг. Бу һакимијјәт оғурлуғу, рүшвәтхорлуғу дөвләт сијасәтинә чевириб. Бунунла фәхр едирләр. Бу һакимијјәт әввәл-ахыр ҝедәҹәк. Азәрбајҹан һөкумәтиндә милли мараг јохдур".
Хатырладаг ки, ввәлки просесдә дөвләт иттиһамчысы ишверән прокурор Нәсир Бајрамов Тале Бағырзадәнин өмүрлүк, АХҸП сәдринин мүавини Фуад Гәһрәманлынын исә 11 ил мүддәтинә азадлыгдан мәһрум олунмасыны истәјиб.
Ишверән прокурор һәмчинин Аббас Һүсејновун 20, Ҹаббар Ҹаббаровун 19, Расим Ҹәбрајыловун 17, Рамин Јарыјевин 10, Шамил Абдуләлијев, Закир Мустафајев, Ҹаһад Бабакишизадә, Агил Гулијев, Аббас Гулијев, Ибраһим Худавердијев, Етибар Исмајылов, Бәһруз Гулијев, Әли Нуријев, Әлибала Вәлијев, Фәрһад Балајев вә Аббас Тағыјевин һәр биринин 15 ил мүддәтинә азадлыгдан мәһрум едилмәләрини истәјиб.
Т. Бағырзадә Ҹинајәт Мәҹәлләсинин 120-ҹи (гәсдән адам өлдүрмә) маддәсинин 120.2.1, 120.2.3, 120.2.4, 120.2.7, 120.2.12, 29,120-ҹи (гәсдән адам өлдүрмәјә ҹәһд) маддәсинин 29, 120. 2.1, 29,120.2.3, 29, 120.2.4, 29,120.2.7, 29, 120. 2. 12, 228.3-ҹү (ганунсузоларагодлусилаһәлдәетмә), 228.4-ҹү (ганунсузоларагсилаһҝәздирмә) вәдиҝәрмаддәләрииләиттиһамолунур. Өтәнилнојабрын 26-даһүгуг-мүһафизәорганларынынәмәкдашларынынБакынынНардарангәсәбәсиндәкечирдикләрихүсусиәмәлијјатзаманыТ. Бағырзадәдадахилолмагла 60-данчохшәхссахланылыб. ҺәминшәхсләрдәнбирнечәсининҹинајәтишидиҝәрләриндәнајрыларагСабунчурајонМәһкәмәсинәҝөндәрилиб, барәләриндәмүвафигһөкмләрчыхарылыб.
Диггәт: Хәбәрдән истифадә етдикдә мәнбәјә истинад лазымдыр
