Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Фәләстинли Ушагларын Мүдафиәси үзрә бејнәлхалг тәшкилатын ачыгладығы һесабатда билдирилир ки, сионист Исраил режими 2016-ҹы илдә 35 фәләстинли ушағы гәтлә јетириб вә 83 фәләстинли ушағы исә јаралајыб.
Тәшкилат һәмчинин һесабатында елан едиб ки, сионист режим гүввәләри динҹ фәләстинлиләрә гаршы одлу силаһлардан истифадәјә ҝөрә мүһакимә олунмур вә ҹавабдеһ дејил.
Һесабатда билдирилир ки, 2016-ҹы илдә Гәрб саһилиндә 32 фәләстинли ушаг ишғалчы режим гүввәләри тәрәфиндән өлдүрүлүб ки, онлардан 19 нәфәри 16-17 јаш, 13 нәфәри исә 13-15 јашлы јенијетмәләр олуб. “Исраил әсҝәрләри һеч бир гануна әмәл етмир вә ушаглара гаршы өлүмҹүл силаһлардан истифадә едирләр”, -дејә Фәләстинли Ушагларын Мүдафиәси үзрә бејнәлхалг тәшкилатын нүмајәндәси дејиб.
Сионист режим 2015-ҹи илин август ајында фәләстинли намаз гыланларын Мәсҹид Әгсаја ҝиришинә мәһдудијјәт тәтбиг едиб ки, бу мәһдудијјәтләрә фәләстинлиләр өз етиразларыны билдириб вә гаршыдурмалар јараныб. 2015-ҹи илин октјабр ајында Ишғалчы режим гүввәләри ән аз 244 динҹ сакини гәтлә јетириб.
“Human Rights Watch” јанварын 3-дә елан едиб ки, 2015-ҹи илин октјабр ајындан индијәдәк сионист режим гүввәләринин 150-дән чох фәләстинлини ҝүллә илә гәтлә јетирдијинә даир материаллар топлајыб. “Шаһидләрин мәлуматы вә видео материаллар чохлу суаллар ортаја гојур”.
“Human Rights Watch” елан едиб ки, сионист Исраил режиминин бәзи рәсмиләри режим гүввәләрини фәләстинлиләрин гәтлиамына тәшвиг едир.
Диггәт: Хәбәрдән истифадә етдикдә мәнбәјә истинад лазымдыр
