Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, мултикултурал дөвләт иддиасында олан Бакыда Ниҝерија вәтәндашыны дөјүбләр.
Бу барәдә Бакы Шәһәр Баш Полис Идарәсиндән мәлумат верибләр.
Инсидент декабрын 26-сы саат 17:30-да "28 Мај" метро стансијасында баш вериб. 1999-ҹу ил тәвәллүдлү Бакы сакини Емин Нәҹәфзадә вә 2000-ҹи ил тәвәллүдлү Һаҹыаға Мәммәдли, 1980-ҹи ил тәвәллүдлү Ниҝерија сакини Кинг Станнејнини дөјүбләр.
Нәтиҹәдә ниҝеријалы Клиники Тибби Мәркәзә јардым үчүн мүраҹиәт едиб. Хулиганлыг факты үзрә апарылан илкин арашдырма заманы мәлум олуб ки, азәрбајҹанлыларла ниҝеријалы арасында мүнагишә тәһгир үстүндә башлајыб.
Ҝәнҹләр ханым Станнејнијә Азәрбајҹан дилиндә "гара мејмун" дејибләр вә билмәјибләр ки, африкалы мүәллимә дилимизи билир. Мејмунла мүгајисә едилдијини ҝөрән ниҝеријалы дөзмәјәрәк Нәҹәфзадә вә Мәммәдлијә јумруг атыб.
Бундан сонра онлар арасында дава башлајыб. Ҝәнҹләри әтрафдакы инсанлар сакитләшдириб вә һадисә јеринә полис әмәкдашлары ҝәлибләр. Ниҝеријалы исә тәкҹә Азәрбајҹан дилини дејил, инҝилис дилини дә билир вә Бакыда репетиторлугла мәшғул олараг халгымызын балаларына инҝилис дилини өјрәдир.
Диггәт: Хәбәрдән истифадә етдикдә мәнбәјә истинад лазымдыр
