Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Канслер Анҝела Меркелин Нигабы гадаған етмәк һагда чағырышындан ики һәфтә сонра Алманија президенти Жоаҹим Ҝауҹкун бир Һиҹаблы тәләбәни чыхылмаз вәзијјәтдә гојуб.
Белә ки, президент Жоаҹим Ҝауҹкун Көлн јахынлығында јерләшән Теодор Һеусс мәктәбинин зијарәтинә ҝедиб. Бурада о Мүсәлман вә Һиҹаблы бир гыз тәләбәси илә ҝөрүшәркән етик нормалардан узаг бир һәрәкәт едиб. Президент Жоаҹим Ҝауҹкун она тәрәф әлини узадараг ҝөрүшмәк истәјиб. Лакин тәләбә гыз нәзакәтлә әлини синәсинә гојуб башыны тәрпәтмәклә президенти саламлајыб.
Атдығы аддымдан пәрт олмуш Ҝауҹк әлини ҝери чәкәрәк нөвбәти тәләбәјә јахынлашыб.
Гејд едәк ки, сөзүҝедән мәктәб мигрант ушаглара алман дилини өјрәдир вә онларын ҹәмијјәтлә “интеграсијасына” јардым етмәјә чалышыр. Президентин зијарәтинин мәгсәди дә мәктәбин бу фәалијјәтини вурғуламаг иди.
Хатырладаг ки, һадисә канслер Анҝела Меркелин Нигабы јасагламагла бағлы чағырышындан ики һәфтә сонраја тәсадүф едир. Христиан-Демократ Иттифагынын (ҸДУ) үзвләри канслерин бурка вә нигабы "мүмкүн олдугҹа" гадаған етмәк барәдә чағырышыны ҝурултулу алгышларла гаршылајыблар. Канслер дејиб: “Бизим гајдамыз беләдир: Үзүнүзү ҝөстәрин. О сәбәбдән, һәр јери өртән ҝејим гәбулолунмаздыр вә гадаған едилмәлидир”.
ҸДУ мәһкәмә вә мәктәбләрдә, университет вә нәглијјатда, полис јохламалары заманы бүтүн бәдәни өртән ҝејими гадаған етмәк нијјәтиндәдир.
Диггәт: Хәбәрдән истифадә етдикдә мәнбәјә истинад лазымдыр
