Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ҹәми 10 ҝүн өнҹә медиа "Паша Девелопмент" ММҸ-нин өз капиталыны 1 милјон 700 мин манат артырдығыны јазмышды. Инди бу мәбләғин даһа 2 милјон манат чохалдығы мәлум олуб.
300 милјонун 26 мин 95 манаты чатмыр
Верҝиләр назирлијинин мәлумат базасында ҝөстәрилир ки, һазырда ширкәтин низамнамә капиталы 299 милјон 973 мин 905 манатдыр.
2012-ҹи илдә јарадыларкән, тәсисчи "Паша Һолдинг" ММҸ она, илкин капитал олараг, 16 милјон манат вермишди. Дөрд ил јарыма ширкәтин капиталы 18 дәфә артыб.
Ширкәтдә белә сүрәтли бој артымынын нәдән гајнагландығыны шәрһ етмәк истәмәјибләр. "Паша Девелопмент" ММҸ-нин Азәрбајҹан вә Ҝүрҹүстанда дашынмаз әмлака јатырым етдији билдирилир.
"Динамо" отели ики илдир ачылышыны ҝөзләјир
Капитал артымы һолдингин башга бир төрәмә мүәссисәсиндә - "Јени Динамо Отели" ММҸ-дә баш вериб. Бакыда - Дахили Ишләр Назирлијинин "Динамо" идман мәркәзинин јериндә тикилән отелин истифадәјә верилмәси илдән илә ләнҝијир.
Өтән ил гонагларыны гаршылајаҹағы билдирилән отелин ачылышы әввәлҹә 2016-ҹы илә, инди исә нөвбәти илә кечирилиб. 28 нөмрәдән, ресторан вә сағламлыг објектләриндән ибарәт бу отел "Абсһерон Һотел Ҝроуп" ММҸ-јә дахилдир. Тикинтијә сәрф олунан сәрмајәнин бир һиссәси – 1 милјон 255 мин манаты онун капиталына јөнәлдилиб.
Һәдәф Азәрбајҹандан башга Ҝүрҹүстан вә Түркијәдир
Бу илин әввәлиндә "Паша Һолдинг" ММҸ-нин иҹрачы директору Мир Ҹамал Пашајев медиаја ачыгламасында билдирмишди ки, гаршыдакы 2 илдә груп Азәрбајҹанла јанашы, Ҝүрҹүстан вә Түркијәјә дә сәрмајә експансијасыны давам етдирәҹәк.
Диггәт: Хәбәрдәнистифадәетдикдәмәнбәјәистинадлазымдыр
