Әһлибејт (ә) Хәбәр Аҝентлијинин вердији мәлумата ҝөрә-Бу ҝүн Ширван Апеллјасија Мәһкәмәсиндә Әләсҝәр Новрузовун сәдрлији илә бөјүк өлчүдә наркотик маддәләрин ганунсуз дөвријјәси иттиһамы илә 6 ил мүддәтинә азадлыгдан мәһрум едилмиш сатирик шаир Тофиг Һәсәнлинин шикајәтинә бахылыб.
Сатирикин вәкили Елчин Садыговун "Туран"-а вердији мәлумата ҝөрә, ишә ҹәлб едилмиш һал шаһидләри Гасым Фәрзуллајев вә Балахан Һүсејнов шаһид гисминдә диндирилибләр.
Вәкилин сөзләринә ҝөрә, һал шаһидләри мүдаифә тәрәфин суалларыны ҹавабландыраркән Тофиг Һәсәнлинин дүканына бахышын вә ҝејиминә әлавә бахышын вәкилин иштиракы олмадан апарылдығыны тәсдиг едибләр.
Онлар һәмчинин билдирибләр ки, наркотикин ҝөтүрүлмәси просесини ҝөрмәјибләр. Полис онлара ҝөстәриб ки, наркотик Тофиг Һәсәнлидә "тапылыб". Һал шаһидләринин сөзләринә ҝөрә, протокол тәртиб едиләркән дә вәкил олмајыб. Һал шаһидләри һәмчинин билдирибләр ки, онлар латын әлифбасы илә охујуб-јаза билмирләр вә протоколун мәзмуну илә таныш олмадан ону имзалајыблар.
Вәкил һал шаһиди Һүсејновун чох сајда ишә - ганунсуз наркотик дөвријјәси, браконјерлик һаггында ишләрә вә һәтта Дөвләт Тәһлүкәсизлик Хидмәти тәрәфиндән арашдырылан ишләрә һал шаһиди кими ҹәлб олунмасы һаггында етирафына диггәт чәкиб.
Һал шаһиди өзү буну "ҹинајәткарлыға гаршы өз мүбаризәси" илә изаһ едиб. Истинтагын һал шаһидләринин тәсадүфи шәхсләр олмасы һагында версијасы бу етирафы тәкзиб едир.
Һаким полис әмәкдашы Фәхри Гасымовун тәкрар диндирилмәси һаггында вәсатәти тәмин едиб.
Ејни заманда, мәһкәмә Һәсәнлинин сахланылмасында иштирак едән диҝәр әмәлијјатчылары чағырмагдан имтина едиб.
Һаким нөвбәти иҹласы декабрын 19-на тәјин едиб.
Тофиг Һәсәнли 2016-ҹы ил августун 22-дә ганунсуз наркотик дөвријјәси иттиһамы илә 6 ил мүддәтинә азадлыгдан мәһрум едилиб. Һәсәнли КИВ-дә һакимијјәтин вә дөвләт мәмурларынын үнванына тәнгиди памфлетләри илә мәшһурдур.
2005-ҹи илдә о, артыг наркотикә ҝөрә үч ил мүддәтинә азадлыгдан мәһрум едилиб, амма 2007-ҹи илдә амнистија илә азадлыға бурахылыб.
Һәсәнли "Фаҹебоок" вә "Јоутубе"-да сатиралары јајымламаға давам едиб. 2015-ҹи илин јанварында о, һәбслә һәдәләндијини билдириб, октјабрда исә сахланылыб.
Диггәт! Хәбәрдән истифадә етдикдә мәнбәјә истинад лазымдыр!
