Әһлибејт(ә) Хәбәр Аҝентлији- Әмәлијјат заманы “Имамзадә”нин әмәкдашлары Илһам Аббасову вә Елбрус Мәммәдову һәбс едән полисләр, бәзи дин адамларынын да ахтарышына чыхыблар.
Һаҹы Таһирин дедикләри түкүрпәдиҹидир: “Елмар Вәлијев мәни шәһәр иҹтимаијјәтинин гаршысында тәһгир едиб. “Ашура” ҝүнүндә “Имамзадә”дә президент Илһам Әлијевин үнванына дедијим хош сөзләрдән сонра мәнә “бүтпәрәст” деди вә мәни һәдәфә ҝөтүрдү. “Имамзадә”јә Натиг Һәсән оғлу Аллаһвердијев адлы бир гоһумуну тәјин етди вә мәним адамларымы, идарәнин әмәкдашларыны иш ҝөрә билмәјәҹәк һала ҝәтирди. Диндар овуна башлајыб шәһәрдә. Дүнәндән ики әмәкдашымызы һәбс етдириб. Бир нечәсини дә ахтарыша вердириб. Мәни ачыг шәкилдә һәбс етдирәҹәји илә һәдәләјир.
Инди мән Ҝәнҹәдән Бакыја чыхмышам. Әјнимдә кәфән вар. Кәфәними ҝејиндимсә, бу јолда сонуна гәдәр варам. Бурадан бәјан едирәм. Јолда мәни сахлајыб һәбс етдирмәјә чалышсалар, интиһар едәҹәјәм!”
Һаҹы Таһир Аббасзадә Бакыја чатан кими һәр шеји фото-видео дәлилләрлә сүбут едәҹәјини вә мәтбуат конфрансы кечирәҹәјини деди.
