''Нардаран һадисәләри Рамил Усубовла Рамиз Меһдијевин биширдији ашдыр''

Шүшә гәфәсә етираз

Нојабрын 7-дә Бакы Ағыр Ҹинајәтләр Мәһкәмәсиндә "Мүсәлман Бирлији" Һәрәкатынын һәбсдә олан сәдри Талеһ Бағырзадә, АХҸП сәдринин мүавини Фуад Гәһрәманлы вә диҝәрләринин ҹинајәт иши үзрә нөвбәти мәһкәмә иҹласы кечирилиб.



Һаким Әлөвсәт Аббасовун сәдрлији илә кечирилән просесдә чыхыш едән Аббас Һүсејнов да тәгсирләндирилән шәхсләрин әјләшдикләри јерин шүшә гәфәслә әвәз едилмәсинә етираз едиб: "Күл бу һакимијјәтин башына ки, инсанлара сөз һаггы вермир".



Даһа сонра иҹласда шаһид Расим Асланов ифадә вериб. О, өтән ил нојабрын 5-дә Сабунчу рајон Полис Идарәсинин гаршысында олан һадисәләр һаггында данышыб: "Мәним евим ораја јахыындыр. Евә ҝедәндә ҝөрдүм ки, адамлар јығышыб, мән дә ҝетдим. Бу заман мәни дә тутуб дөјә-дөјә идарәјә апардылар. Мән орада сәсими чыхармадым. Лакин бир нечә адам гышгырыб тәбии еһтијаҹларыны өдәмәјә ҝетмәк истәдикләрини дејирдиләр. Онлары дөјүб ишҝәнҹә верирдиләр. Мәни бир ҝүн сахлајандан сонра сорушдулар ки, "Фаҹебоок"а ҝирирәм, ја јох. Мән дә дедим, ҝирмирәм. Јохладылар,ҝөрдүләр һеч кимлә әлагәм јохдур, бурахдылар".



Вәкил Немәт Кәримли исә тәгсирләндирилән шәхлсләрин шүшә гәфәсдә әјләшмәләринә наразылыг едиб: "Авропада да бу шәраит ләғв едилиб. Һәтта фашистләр дә вәкилләрин јанында әјләшибләр. Бу аквариума охшајыр. Билирәм сизлик мәсәлә дејил. Дејирәм ки, протокола дүшсүн".



Шаһид ифадәсиндәки зиддијјәтин сәбәбини изаһ едә билмәјиб

Даһа сонра иҹласда шаһид гисминдә Сабунчу рајон Полис Идарәсинин әмәкдашы Афиг Шүкүров диндирилиб. О, 5 нојабр һадисәләри вахты башына даш дәјдијини вә һушуну итирдијини дејиб: "Ајыланда һоспиталда идим. Орада он ҝүн мүалиҹә олундум". О, истинтаг заманы ифадәсиндә исә дејиб ки, башына даш дәјәндән сонра ајаға дуруб вә евә ҝедиб



Вәкил Јалчын Иманов исә дејиб ки, шаһидлә бағлы Тәҹили Тибби Јардым Стансијасына сорғу верибләр вә сорғуја ҝәлән ҹавабда гејд едилиб ки, она тибби јардым ҝөстәрилиб, лакин һараса апарылмајыб.Һаким исә дејиб ки, шаһидин дедикләри протокола гејд едилир.



Бу, Рамил Усубовла Рамиз Меһдијевин биширдији ашдыр

Аббас Һүсејнов исә дејиб ки, шаһид хәсарәти башга јердә алыб, лакин јаландан орада алдығыны дејир:



"Бу, Рамил Усубовла Рамиз Меһдијевин биширдији ашдыр. Лакин дибин јандырыблар".



Даһа сонра иҹласда шаһид гисминдә Мөһтәбәр Бабајев ифадә вериб. М. Бабајев Сабирабад сакини олдуғуну, силаһ иттиһамы илә шәрләнәрәк 2 ил 6 ај мүддәтинә азадлыгдан мәһрум едилдијини дејиб: "Нојабрын 25-дә Нардаранда Имам Һүсејн мәҹлисиндә иштирак етдим. 26 нојабрда исә сәһәр тездән орадан чыхыб Биләҹәридәки евимә ҝәлдим. Бир мүддәт сонра телефонла мәнә мәлумат вердиләр ки, Нардаранда белә һадисә олуб. Мән дә јенидән Нардарана гајытдым. Лакин орада постлар гурулдуғундан дөрд ҝүн гәсәбәдән чыхмаг мүмкүн олмады. Дөрд ҝүндән сонра орадан чыхыб Сабирабада, атамҝилин јанына ҝетдим. Бир ҝүн сонра орада мәни полисләр сахлајыб шөбәјә апардылар. Ҝуја јолда сөјүш сөјмүшәм. Мәни он ҝүн мүддәтинә инзибати азадлыгдан мәһрум етдиләр. Даһа сонра башладылар дөјүб, тәһгир етмәјә.



Мәним бојнума силаһ иттиһамыны гојмаг истәдиләр. Мән бојнума алмајанда дедиләр:



"Ҝедин һәјәтләринә һероин атын, атасыны да тутуб ҝәтирин бөлмәјә". Буна атам дөзмәзди. О, һеч вахт түрмә ҝөрмәјиб. Мән дә мәҹбур олуб силаһ иттиһамыны гәбул етдим. Сонра Бакыја "Бандотдел"ә ҝәтирдиләр. Орада да ишҝәнҹәләр олду. Ҝүја силаһы мәнә Талеһ Бағырзадәнин ҝөстәриши илә Аббас Һүсејновла Әкбәр вериб. Кәрим Әлимәрдановла Ислам Ағабәјов ишҝәнҹә верирдиләр. Зорла мәнә ифадәјә гол чәкдирдиләр. Кәрим дејирди ки, Талеһин үзүнә дурмалысан. Бакы истинтаг тәҹридханасында оланда ҝәлдиләр ки, Талеһин үзүнә дур. Мән дә разылашмадым".



Мәһкәмәјә ҝәлмәздән әввәл дедиләр ки...

Мөһтәбәр Бабајев даһа сонра дејиб: "Бу мәһкәмәјә ҝәлмәздән әввәл исә Кәримлә Ислам мәним олдуғум тәҹридханаја ҝәлдиләр. Дедиләр ки, сән ҹәзанын бир һиссәсини чәкмисән. Буна ҝөрә вахтындан әввәл азадлыға чыха биләрсән. Чых мәһкәмәдә үзләринә дур, сөз веририк, сәни бурахдыраҹағыг. Әҝәр разы олмасан Әли Инсанов кими ичәридә чүрүјәҹәксән. Истинтаг заманы вердијим ифадәдән имтина едирәм. Нардаранда кимәсә силаһ пајланылмајыб, дөвләт чеврилишиндән данышылмајыб. Олсајды, мән орада олмаздым. Биз шиәјик. Бизим ики дүшмәнимиз вар. Бири ермәниләр, бири вәһһабиләрдир. Биз вәһһаби дејилик ки, гадын, ушаг гатили олаг. Сабирабад Полис Шөбәсиндә рәис вә мүавини Әлифаға Казымов мәнә ишҝәнҹә верирдиләр. Һәм орада, һәм "Бандотдел"дә ләјагәти алчалдан ишҝәнҹәләр верилиб. Шалварымы чыхармаг истәјирдиләр, јалварыб гојмадым. "Бандотдел"дә мәни бутулка, дубинка илә зорламаг истәјирдиләр. Өлдүрмәк фикирләри вар иди. Ҹинсијјәт үзвүмдән вуруб дејирдиләр ки, сизин нәслинизи кәсмәк лазымдыр. "Бандотдел"дә оланда Гырмыз Хач Комитәсиндән ҝәлмишдиләр. Мән ҝөрдүм онлар хариҹиләрдир. Өз өлкәми сатмадым. Јаландан дедим, һәр шеј јахшыдыр. Мәним адымы гојмушдулар ки, Ирана ишләјир. Мән һеч Ирандан олмамышам, фарсҹа билмирәм. Бура ҝәлмәздән әввәл Кәримҝил истинтаг тәҹридханасына ҝәлиб ҝеҹә вахты мәнимлә ҝөрүшдүләр. Дедиләр, һеч олмаса истинтага вердијин ифадәни тәсдиг елә. Дедим, едә билмәрәм, Аллаһдан горхурам. Ҝөрдүм ки, дөјмәкдән чәкинирләр, чүнки мәһкәмәјә чыхаҹағымы билирдиләр. Онсуз да Кәрим вә Ислам мәндән әл чәкән дејилләр. Билирәм азадлыға чыхсам да, гојмајаҹаглар галым, јенә тутаҹаглар ".



Онлары тәһгир едәнләр ана-баҹыларыны танымајан адамларды

Талеһ Бағырзадә исә дејиб ки, онлары тәһгир едәнләр ана-баҹыларыны танымајан адамлардылар: "Бакы Истинтаг тәҹридханасында сизинлә үзләшмә олан ҝүн мүстәнтиг чох әсәбләшмишди сизә. Дејирди, бу, нијә үзә дурмур ахы. Сизә дә нә гәдәр деди ки, Талеһин үзүнә дур, сиз етмәдиниз. Азәрбајҹанда мүстәгил мәһкәмәјә јохдур. Һәр шеј Президент Апаратынын әлиндәдир. Әҝәр шаһидләрә нәсә олса, мәсулијјәт Илһам Әлијев вә Рамил Усубовундур. Мән азәрбајҹанлыларла фәхр едирәм ки, белә оғуллары вар".



Вәкил: Биринҹи дәфәдир белә һалла гаршылашырам

Вәкил Јалчын Иманов исә дејиб ки, шаһидләрин һамысы тәзјиг алтындадыр: "Бир һиссәсини Сабунчуја, бир һиссәсини "Бандотдел" ә апарыблар. Мән биринҹи дәфәдир белә һалла гаршылашырам. Прокурорлуға сорғу ҝөндәрилсин, арашдырылсын ҝөрәк Кәрим Әлимәрдановла Ислам Ағабәјов ҝеҹә вахты истинтаг тәҹридханасына неҹә дахил олублар. Бу биабырчылыгдыр. Мүдафиә тәрәфинин дә шаһидләри горхурлар ҝәлиб ифадә вермәјә".



Вәкил Ҝүлшән Салманова да мәһкәмәдән гәтијјәт нүмајиш етдирмәји истәјиб: "Һәр ҝәлән шаһид дејир ки, тәзјиг олуб. Неҹә едәк, арашдырмајаг бу иши?"



Вәкил Зибејдә Садыгова исә дејиб ки, өтән иҹлас заманы ифадә верән вә сонрадан Сабунчу рајон Полис идарәсинә апарылыб тәзјиг олунан шаһидләр Самир Бабајевлә Валеһ Аббасов јенидән полис идарәсинә чағрылыблар: "Онлардан изаһат алыныб ки, ҝүја онлара идарәдә һеч бир ишҝәнҹә верилмәјиб. Дејибләр, әкс һалда наркотик иттиһамы илә һәбс олунаҹаглар". Вәкил бунунла бағлы прокурорлуға сорғу ҝөндәрилиб, арашдырылмасыны истәјиб.



Фуад Гәһрәманлы исә дејиб ки, мәһкәмә өзүнү тәрәфсиз ҝөстәрмәк үчүн һансыса бир гәрар вермәли иди: "Ҝөрүрәм һеч бир аддым атмырсыныз. Бәлкә сизи дә апарыб ишҝәнҹә верибләр. Әҝәр еләдирсә, дејин сизин дә һүгугларынызы мүдафиә едәк".



Һаким исә она "Сиз өз һүгугунузу мүдафиә един" ҹавабыны вериб.

Шаһид ифадәсиндән имтина етди



Даһа сонра иҹласда шаһид гисминдә Турал Аллаһвердијев ифадә вериб. О, истинтаг заманы вердији ифадәни имзаламадан гол чәкдијини дејиб: "Фикирләшдим ки, јәгин дедикләрими јазыблар. Мән нојабрын 5-дә Сабунчу рајон Полис Идарәсинин гаршысына ҝетмишдим. Орада мәни тутдулар. Елә билдиләр даш атмышам. Сонра билдиләр ки, даш атан мән дејиләм, бурахдылар". Онун истинтаг заманы ифадәси елан едилиб. О, ифадәсиндә билдириб ки, Аббас Һүсејнов она зәнҝ едәрәк Талеһ Бағырзадәнин һәбсдән чыхаҹағыны дејиб: "Аббас деди ки, Талеһ бизим лидеримиз вә ҝәләҹәк президентимиздир. Ону ҝедиб гаршыламаг лазымдыр. Мән дә дедим белә сөһбәтләр етмә. Талеһи дә гаршыламаға ҝетмәдим. Ҝөрдүм ки, онлар силаһланмагдан данышырлар, онлардан узаглашдым". Шаһид исә белә ифадә вермәдијини дејиб.



Талеһ Бағырзадә исә дејиб ки, әмәлијјат заманы президентә дејибләр ки, Талеһ онун јеринә ҝәлмәк истәјир: "Јәгин дејиб алдадыблар. Онун өлкәдән хәбәри јохдур. Башы әјләнҹәләрә гарышыб. Өлкәни идарә едән олсајды, биз бураја дүшмәздик. Бу өлкәни идарә едән јохдур".



Аббас Һүсејнов исә Талеһ Бағырзадәни президент кими ҝөрдүјүнү дејиб: "Бу, ҹинајәт дејил. Әҝәр сиз әдаләтли һөкм чыхарсаныз, ҝәләҹәкдә сизи мәһкәмәнин сәдри тәјин едәҹәјәм".



Даһа сонра иҹласда зәрәрчәкмиш гисминдә 15-ҹи Полис Бөлмәсинин әмәкдашы Меһман Мәдәтов ифадә вериб. О, өтән ил нојабрын 5-дә баш верән һадисәләр заманы ајағына даш дәјдијини дејиб. Билдириб ки, тәгсирләндирилән шәхсләри танымыр вә онлара гаршы тәләби јохдур.



Иҹласда Нардаран сакини Әли Нурмәммәдов да ифадә вериб. О, Талеһ Бағырзадәни таныса да, хүтбә охудуғу мәҹлисләрдә иштирак етмәдијини дејиб. Билдириб ки, бир мүддәт әввәл ону вә диҝәр шаһидләри Сабунчу рајон Полис Идарәсинә апарыблар. Орада бир мүддәт отурандан сонра чыхыб ҝедиб. Онунла һәр һансы сөһбәт апарылмајыб вә ораја нијә апарылмаларынын сәбәбини билмир. Шаһид суалларын чохуна "хатырламырам" ҹавабыны вериб. Вәкил Јалчын Иманов исә шаһидин нәдәнсә горхдуғуну, нараһат олдуғуну дејиб. Һаким ондан мәһкәмәјә ким тәрәфиндән чағырылдығыны сорушуб. Шаһид мәһкәмәјә полисләр тәрәфиндән чағырылдығыны дејиб: "Полисдән зәнҝ едиб дедиләр ки, мәһкәмәјә ҝәлим".



Вәкил Јалчын Иманов исә дејиб ки, мәһкәмә шаһиди чағырмајыб: "Сиз мәктуб ҝөндәрмәмисиниз шаһидә. Амма јенә дә полисләр өз ишләриндәдиләр".



Һаким исә она "Сиз дединиз мән дә ешитдим, арашдырарыг. Мән полисләрин јеринә ҹаваб верән дејиләм"- дејиб. Даһа сонра шаһидин истинтаг заманы вердији ифадә елан едилиб. О, истинтаг заманы ифадәсиндә Талеһ Бағырзадәнин Ислам дөвләти гурмаг истәдијини дејиб. Лакин шаһид белә ифадә вермәдијини дејиб.



Тәгсирләндирилән Ҹаббар Ҹаббаров исә дејиб ки, адамлар ҝәлиб горха-горха ифадә верирләр: "Баҹармырсыныз, посту тәһвил верин. Сиз бизи бир һәфтә фырлатдыныз. Мәсулијјәтсизлик едирсиниз". Һаким исә она ирад тутараг сакит олмасыны тәләб едиб. Билдириб ки, әкс һалда залдан чыхарылаҹаг. Ҹ. Ҹаббаров исә јалан нәсә демәдијини билдириб. Һаким иҹласын нојабрын 11-дә давам едәҹәјини дејиб.