Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, вәкил Јалчын Иманов бу ҝүн Гобустан Гапалы Һәбсханасында АИП лидери Мөвсүм Сәмәдовла ҝөрүшүб.
Мүвәккилинин сәһһәтинин вә әһвал руһијјәсинин нормал олдуғуну сөјләјән Јалчын Иманов, Мөвсүм Сәмәдовун ону мүдафиә едәнләрә тәшәккүр етдијини сөјләјиб.
АИП лидеринин 26 сентјабрда кечирилән референдумла бағлы да мөвгејини ачыгладығыны билдирән вәкил, Доктор Сәмәдовун бунлары сөјләдијини гејд едиб: “Артыг 26 сентјабр тарихи ҝеридә галды. Бу просесләрдә халга хидмәт руһијјәси илә сәһнәдә олараг етираз едән вә бу мәсулијјәти бојнуна ҝөтүрән мүбариз руһаниләрә, зијалылара, сијаси хадимләрә, гәләми илә һәмишә һәгигәти дәстәкләјән мәтбуат ишчиләри илә јанашы Азәрбајҹан халгына өз тәшәккүрүмү билдирирәм.
Ејни заманда бизә дәстәкләрини нүмајиш етдирән һәр бир кәсә, хүсусилә Ислам дүнјасынын һидајәт чырағы олан мәрҹәи-тәглид Ајәтуллаһ Мәкарим Ширази ҹәнабларына миннәтдарам.”
Мөвсүм Сәмәдовун Нардаранда баш верән һадисә заманы дүнјасыны дәјишән вә һәбс едилән шәхсләрлә бағлы да фикирләрини ачыгладығыны сөјләјән вәкил, бунларын гејд етди: “Аллаһдан арзум будур ки, Нардаранда Шәһид олан гардашларымыз гијамәтдә Кәрбәла Шәһидләри илә бирҝә мәһшур олсунлар. Үмид едирәм ки, Һаҹы Тале вә һагсыз јерә һәбсә едилән диҝәр гардашларымыз да тезликлә һаггын бәргәрар олмасы илә азадлыға чыхаҹаг.”
Диггәт: Хәбәрдән истифадә етдикдә мәнбәјә истинад лазымдыр
