Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Шимали Кореја дөвләт медиасы јазыр ки, космоса пејк бурахмаг үчүн ракет мүһәррики тести уғурлу олуб.
Өлкәнин башчысы Ким Жонҝ-ун, алим вә мүһәндисләрдән ән гыса мүддәтдә космоса пејк бурахмаға һазырлыг кечирмәләрини тапшырыб, КҸНА мәлумат верир.
КҸНА дејиб ки, Ким Жонҝ-ун олкәнин Соһае ракет-бурахылышы әразисиндәки сынаға өзү шәхсән нәзарәт едиб.
Ракет мүһәррикинин тести олкәјә дүнја сәвијјәсиндә Јер күрәсинин мүшаһидәси пејки дә дахил олмагла, мүхтәлиф пејкләри бурахмаг габилијјәтини верәҹәк.
КҸНА мәлумат верир ки, ҹәнаб Ким өлкәсинин "бир нечә ил әрзиндә ҝеостасионар пејкләрин саһиби" олмасы үчүн даһа чох ракетләрин бурахылмасына чағырыш едиб.
Шимали Кореја исрар едир ки, онларын космик програмы тамамилә елми характер дашыјыр. Амма он минләрлә атом бомбасына малик олан АБШ, Ҹәнуби Кореја вә һәтта Чин дејирләр ки, ракетләрин бурахылышы гитәләрарасы баллистик ракетләрин инкишафына јөнәлиб. (!)
АБШ, Гәрб өлкәләри, Чин, Ҹәнуби Кореја, Русија вә ишғалчы исраил режиминин он минләрлә атом бомбасы олдуғуна ҝөз јуман БМТ Тәһлүкәсизлик Шурасынын Шимали Корејаја гаршы гәбул етдији гәтнамәләри өлкәнин һәр һансы нүвә вә баллистик ракет сынаглары кечирмәсинә гадаға гојуб.
Диггәт: Хәбәрдәнистифадәетдикдәмәнбәјәистинадлазымдыр
