Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Аббас Һүсејновун вәкили Немәт Кәримли билдириб: "Аббас Һүсејновун "Бандотдел"ә апарылмасы илә бағлы Омбудсмана хәбәр вермишәм, марагланан јохду. Өзүм дә "Бандотдел"ин гаршысындајам, мәнә дејирләр бурада јохду. Амма әминәм ки, ичәридәдир вә она ишҝәнҹә верирләр".
Мәлумата ҝөрә, Аббас Һүсејнин гардашы Мәммәд Һүсејнов гардашы Аббас Һүсејнин Баш Мүтәшәккил Ҹинајәткарлыгла Мүбаризә Идарәсинә (БМҸМИ) апарылдығы хәбәрини вәкил Немәт Кәримлијә вериб.
Гејд едәк ки, Аббас Һүсејнов мәһкәмәдә әсасән БМҸМИ-дә үзләшдији ишҝәнҹәләрдән данышыр. Бундан башга, о, Милли Шуранын 11 сентјабр митинги илә бағлы да иҹтимаијјәтә мүраҹиәт үнванламышды.
Хатырладаг ки, Нардаран һадисәләри заманы һәбс олунанлар әнәнәви олараг әлијевләр режими тәрәфиндән Ҹинајәт Мәҹәлләсинин 120.2.1-ҹи (гәсдән адам өлдүрмә, бир груп шәхс, габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (тәшкилат) тәрәфиндән адам өлдүрмә), 120.2.3-ҹү (гәсдән адам өлдүрмә, зәрәрчәкмиш шәхсин хидмәти вәзифәсини вә ја иҹтимаи борҹуну јеринә јетирмәси илә әлагәдар онун өзүнү вә ја јахын гоһумларыны өлдүрмә), 120.2.4-ҹү (гәсдән адам өлдүрмә, хүсуси амансызлыгла вә ја үмуми тәһлүкәли үсулла адам өлдүрмә), 120.2.7-ҹи (гәсдән адам өлдүрмә, ики вә ја даһа чох шәхси өлдүрмә), 120.2.12-ҹи (гәсдән адам өлдүрмә, милли, ирги, дини әдавәт вә ја дүшмәнчилик нијјәти илә адам өлдүрмә), 29,120.2.1-ҹи (гәсдән адам өлдүрмәјә ҹәһд, бир груп шәхс, габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (тәшкилат) тәрәфиндән адам өлдүрмәјә ҹәһд), 29,120.2.3-ҹү (гәсдән адам өлдүрмәјә ҹәһд, зәрәрчәкмиш шәхсин хидмәти вәзифәсини вә ја иҹтимаи борҹуну јеринә јетирмәси илә әлагәдар онун өзүнү вә ја јахын гоһумларыны өлдүрмәјә ҹәһд), 29,120.2.4-ҹү (гәсдән адам өлдүрмәјә ҹәһд, хүсуси амансызлыгла вә ја үмуми тәһлүкәли үсулла адам өлдүрмәјә ҹәһд), 120.2.7-ҹи (гәсдән адам өлдүрмә, ики вә ја даһа чох шәхси өлдүрмә), 120.2.12-ҹи (гәсдән адам өлдүрмәјә ҹәһд, милли, ирги, дини әдавәт вә ја дүшмәнчилик нијјәти илә адам өлдүрмәјә ҹәһд), 28,214.2.1-ҹи (террорчуға һазырлыг, габагҹадан әлбир олан бир груп шәхс, мүтәшәккил дәстә вә ја ҹинајәткар бирлик (ҹинајәткар тәшкилат) тәрәфиндән төрәдилдикдә), 28,214.2.3-ҹү (террорчуға һазырлыг, одлу силаһдан вә силаһ гисминдә истифадә олунан предметләрдән истифадә етмәклә төрәдилдикдә), 214-2-ҹи (террорчулуға ачыг чағырышлар), 220.2-ҹи (күтләви иғтишаш, һакимијјәт нүмајәндәсинин гануни тәләбләринә фәал шәкилдә табе олмамаға вә күтләви иғтишашлара, һабелә вәтәндашлара гаршы зоракылыг етмәјә чағырышлар етмә), 228.3-ҹү (ганунсуз олараг одлу силаһ, онун комплект һиссәләрини, дөјүш сурсаты, партлајыҹы маддәләр вә гурғулар әлдә етмә, башгасына вермә, сатма, сахлама, дашыма вә ҝәздирмә, бу Мәҹәлләнин 228.1 вә ја 228.2-ҹи маддәләриндә нәзәрдә тутулмуш әмәлләр мүтәшәккил дәстә тәрәфиндән төрәдилдикдә), 278-ҹи (һакимијјәти зорла әлә кечирмә вә ја ону зорла сахлама), 279.1-ҹи (һакимијјәти зорла әлә кечирмә вә ја ону зорла сахлама, Азәрбајҹан Республикасынын ганунвериҹилији илә нәзәрдә тутулмајан силаһлы бирләшмәләр вә ја груплар јаратма, еләҹә дә онларын јарадылмасында вә фәалијјәтиндә иштирак етмә, онлары силаһла, дөјүш сурсаты илә, партлајыҹы маддәләрлә, һәрби техника илә, јахуд әсҝәри ләвазиматла тәҹһиз етмә), 283.2.3-ҹү (милли, ирги, сосиал вә ја дини нифрәт вә дүшмәнчилијин салынмасы, мүтәшәккил дәстә тәрәфиндән төрәдилдикдә) вә 315.2-ҹи (һакимијјәт нүмајәндәсинә гаршы мүгавимәт ҝөстәрмә вә ја зор тәтбиг етмә, бу Мәҹәлләнин 315.1-ҹи маддәсиндә ҝөстәрилән шәхсләрә гаршы һәјат вә сағламлыг үчүн тәһлүкәли олан зор тәтбиг етмә) маддәләри илә ШӘРЛӘНИЛИРЛӘР.
Диггәт: Хәбәрдән истифадә етдикдә мәнбәјә истинад лазымдыр
