Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, вәкил Ҹавад Ҹавадлы өз Фаҹебоок сәһифәсиндә мүвәккиләринин иши барәсиндә јени мәлумат вериб. Белә ки, вәкил Ҹ. Ҹавадлы 26 Нојабр 2015-ҹи илдә Бакы режиминин төрәтдији Ганлы Нардаран Фаҹиәси заманы Шәрләнәрәк һәбс олунан «Мүсәлман Бирлији» Һәрәкатынын рәһбәри Тале Бағырзадә, Азәрбајҹан халг Ҹәбһәси Партијасы (АХҸП) сәдринин мүавини Фуад Гәһрәманлы вә даһа 16 нәфәрин ҹинајәт ишинин Бакы Ағыр Ҹинајәтләр Мәһкәмәсинә ҝөндәрилдијини ачыглајыб.
Мүдафиә тәрәфи һесаб едир ки, ибтидаи истинтаг елан едилмиш иттиһамла бағлы ортаја сүбут гоја билмәјиб. Үстәлик, истинтаг бир чох гаранлыг мәсәләләрә ајдынлыг ҝәтирмәкдән јајыныб.
Хатырладаг ки, «Мүсәлман Бирлији» Һәрәкатынын рәһбәри Т. Бағырзадә өтән ил нојабрын 26-да Нардаран гәсәбәсиндә һәјата кечирилән вә бирбаша Илһам Әлијевин башчылыг етдији хүсуси әмәлијјат заманы сахланыб. О, ҸМ-ин 120 (гәсдән адам өлдүрмә) 228.3 (ганунсуз олараг одлу силаһ әлдә етмә), 228.4-ҹү (ганунсуз олараг силаһ ҝәздирмә) вә диҝәр ағыр маддәләр илә иттиһам олунур.
АХҸП сәдринин мүавини Ф. Гәһрәманлы исә Нардаран һадисәләри илә бағлы өзүнүн Фаҹебоок сәһифәсиндә јаздығы статуслара ҝөрә, өтән ил декабрын 8-дә һәбс едилиб. О, ҸМ-ин 281 (дөвләт әлејһинә ачыг чағырышлар), 283-ҹү ( милли, ирги, сосиал вә ја дини нифрәтин, дүшмәнчилијин салынмасы) вә 220.2-ҹи (һакимијјәт нүмајәндәсинин гануни тәләбләринә фәал шәкилдә табе олмамаға вә күтләви иғтишашлара чағырышлар етмә) маддәләри илә иттиһам олунур.
Нардаран һадисәләри заманы 2-си полис олмагла 7 нәфәр Шәһид олуб. Шәһид олан ики полис ишчисинин әмәкдашлары тәрәфиндән һәлак едилдији ортаја чыхыб. Һәмин ҝүн Тале Бағырзадә вә онун 14 тәрәфдары һәбс едилиб.
Сонрадан прокурорлуг билдирди ки, «Мүсәлман Бирлији» Һәрәкатына ҝөрә, үмумиликдә 70 нәфәр шәхс һәбс олунуб. Онлардан даһа јүнҝүл маддәләрлә иттиһам едиләнләрдән бир чохунун мәһкәмәси бир мүддәт өнҹә башлајыб. Бәзиләринә 1 ил 6 ајдан, 2 ил 6 аја гәдәр һәбс ҹәзасы верилиб.
Диггәт: Хәбәрдән истифадә етдикдә мәнбәјә истинад лазымдыр
