Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бәднам “евровижин 2012” фәсад мүсабигәси заманы һәбс олунан инанҹлылар барәдә әввәлләрдә мәлумат вермишдик.
Ҝәнҹә шәһәриндән олан инанҹлы фәал Рәһимов Мураз һәбсдән азадлыға бурахылыб.
Хатырладаг ки, 1989-ҹу ил мај ајында доғулан Рәһимов Мураз 2012-ҹи илин апрел ајынын 13-ү шәрләнәрәк һәбс олунуб. Һәбс олунан заман ишкәнҹәләрә мәруз галан инанҹлы фәалын атасы Чапај Рәһимов оғлундан 1 ҝүн сонра, јәни 14 апрел 2012-ҹи ил тарихиндә сахланылыб.
Һәр ики шәхсин һәбсиндән сонра евләринә һүгуг мүһафизә органларынын әмәкдашынын ҝәлдији вә аилә үзвләринә гаршы кобуд рәфтар етдикләри гејд олунуб.
Нәһајәт Рәһимов Мураз 228.2.1 маддәси илә 4 ил 6 ај мүддәтинә азадлыгдан мәһрум едилиб. Инанҹлы фәалын атасы Рәһимов Чапај исә 228.1 маддәси илә 2 ил 6 ај мүддәтинә азадлыгдан мәһрум едилиб. Рәһимов Чапај 1 ил 9 ај һәбсдә галдыгдан сонра азадлыға бурахылыб. Лакин инанҹлы фәалын атасы һәбсдән чыхдыгдан сонра ағыр хәстәлијә дүчар олуб вә 2014-ҹү илин феврал ајынын 16-дан Бакы шәһәри Нәсими рајону Ганкөчүрмә Иниститутунда мүалиҹә олунмаға башлајыб. Мүалиҹә олунмасына бахмајараг бу илин јанвар ајынын 21-дә Рәһимов Чапај вәфат едиб.
Јахынлары онун Авровизија вахты кечирилмәси планлашдырылан “ҝеј парад” әлејһинә тәблиғат апардығы үчүн шәрләндијини вә һәбс олундуғуну билдирирләр.
Диггәт: Хәбәрдән истифадә етдикдә мәнбәјә истинад лазымдыр
