Әһли Бејт (әлејһимус сәлам) -АБНА- Хәбәр Аҝентлији- “Америкада, Авропада, дүнјанын диҝәр өлкәләриндәки јәһуди иҹмаларынын вә јәһуди достларымызын апрел һадисәләри һаггында әтрафлы мәлуматландырылмасы үчүн әлимиздән ҝәләни етмишик вә һазырда да етмәкдәјик”.
Бу сөзләри Модерн.аз сајтына Милли Мәҹлисин јәһуди әсилли депутаты Јевда Абрамов ҹәбһәдәки апрел һадисәләриндән сонра дүнјадакы јәһудиләрин Азәрбајҹана вердији дәстәкдән данышаркән дејиб.
Депутат билдириб ки, Америкада јашајан јәһудиләр Ермәнистанын Азәрбајҹана гаршы апардығы ишғалчылыг сијасәти илә бағлы бәјанатлар да верибләр:
“Азәрбајҹанын достлары олан Америка јәһудиләри тәрәфиндән, әсасән дә Лос-Анҹелес, Вашингтон, Нју-Јорк кими јәһудиләрин даһа сых јашадығы шәһәрләрдә апрел һадисәләрининин әсл маһијјәти, Ермәнистанын ишғалчылыг сијасәти һаггында бәјанатлар верилиб.
Исраилин пајтахты Тәл-Әвив вә диҝәр шәһәрләрдә јашајан вә Азәрбајҹанын кечмиш вәтәндашлары олмуш јәһудиләр апрел һадисәләриндән сонра артыг там һазыр вәзијјәтдәдирләр. 80 миндән чох Азәрбајҹан әсилли јәһуди хүсуси баталјонун тәркибиндә Гарабағда ермәниләрә гаршы дөјүшмәк үчүн һазыр вәзијјәтдә дајаныблар.
Һәмин 80 миндән чох Азәрбајҹан әсилли јәһуди Исраил һөкумәтинин башчысына мүраҹиәт едәрәк, Гарабағда Азәрбајҹанын тәркибиндә дөјүшмәк арзусунда олдугларыны билдирибләр.
Әҝәр һәрби әмәлијјатлар даһа гызғын фазаја кечәрсә, һәмин Азәрбајҹан әсилли јәһудиләр Азәрбајҹанын һагг иши уғрундакы мүбаризәсисинә гатылаҹаг вә ишғалчы Ермәнистанын мәһв едилмәсиндә бөјүк рол ојнајаҹаг”.
Јәһуди депутат бу ҝүн Азәрбајҹан вә Исраил мүнасибәтләринин јүксәк сәвијјәдә олдуғуну вурғулајыб:
“Бу ҝүн Исраил Азәрбајҹан мүнасибәтләри чох јүксәк сәвијјәдәдир. Апрел һадисәләри заманы Азәрбајҹан силаһлы гүввәләринин арсеналындакы Исраил истеһсаллы силаһлар бир даһа өз сөзүнү деди.
Губарајонунда “Бирлик” гәзетичыхыр. Һәмин гәзетдә дүнја јәһудиләринин Азәрбајҹана олан дәстәји вә Ермәнистанын ишғалчылыг сијасәтинә нифрәти әкс олунур. Дүнја јәһудиләринин Азәрбајҹана дәстәји һәр заман олуб вә бу ҝүн дә давам етмәкдәдир.
Исраилдән олан дост депутатлар да јерли медиада Азәрбајҹанын бу мүбаризәсинин һагг иши олдуғуну, өз торпагларыны ишғалдан азад етмәк үчүн мүбаризә апардыгларыны бәјан едибләр”.
Јевда Абрамов дејиб ки, Азәрбајҹан истәнилән ан мүһарибәјә башлаја биләр вә бу онун мүстәсна һүгугудур:
“Биз истәдијимиз анда мүһарибәјә башлаја биләрик. Чүнки ишғал олунмуш әразиләримизи азад етмәк истәјирик.
Торпагларыны ишғалчы Ермәнистандан азад етмәк БМТ низамнамәсинин 5-ҹи маддәси илә Азәрбајҹанын мүстәсна һүгугудур. Исраил вә диҝәр сүлһсевәр халглар бундан сонра да Азәрбајҹанын һагг вә әдаләт уғрунда апардығы сијасәтинә һәр заман дәстәк верәҹәк”.
P.S: Мараглы бурасыдыр ки, Фәләстин торпагларыны ишғал етмиш ганунсуз исраил режими вә БМТ тәрәфиндән дәфәләрлә етдији ишғал әлејһинә гәтнамәләр гәбул едилмиш, мәһз мүсәлман торпагларыны етдији ишғалына ҝөрә, Дүнја Иҹтимаијјәти тәрәфиндән гејрилегал танынан, ејни заманда һеч бир мүсәлман өлкәси Бакы да онларын дахилиндә олмагла өз сәфирликләрини гондарма Тел Әвив адлы јердә ачмаға разылыг вермәјән бир режим неҹә мүмкүндүр ки, һәмсәнҝәр, һәмфикир вә һәмәгидә олдуғу икинҹи ишғалчы бир өлкәни (Ермәнистаны) гынаја!?? Бундан да даһа мараглысы вә ҝүлмәлиси ондадыр ки, Азәрбајҹанда сајлары 5 мин нәфәри кечмәјән бу јәһүдиләрин ишғалчы исраил режиминдә неҹә ола билир ки, 80 миндән артыг Азәрбајҹан әсилли јәһудиләри вардыр J))) !
Диггәт: Хәбәрдән истифадә етдикдә мәнбәјә истинад лазымдыр
