Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, ҸАН рәсмиси Катсина Ниҝерија Ислам Һәрәкатынын лидерләриндән Јагуб Зәкзәкијә “Зарија Шиәләринин Ганлы Декабр Сојгырымы” илә бағлы дәрин нараһатчылыг кечирдикләрини билдирәрәк, дәрдләринә шәрик олдугларыны ифадә едиб.
Ниҝерија Христиан Ассосиасијасы һадисә илә бағлы һөкумәти тәнгид едәрәк, миндән артыг Шиәнин өлүмүнә сәбәб олан һадисәни дәгиг арашдырылмасыны истәјиб.
Диҝәр тәрәфдән пастор Омокри дә Заријада Шиәләрин гәтлинә Христиан лидерләринин сәссиз галмаларыны гынајыб.
О, дејиб ки, әҝәр Әһли-Бејт (ә) ардыҹылларынын өлдүрүлмәсинә сизин сусмағыныз Шиә олмадығыныза ҝөрәдирсә, онда билин ки, сизин гардашларыныз да өлдүрүләндә диҝәрләри дә сусаҹаглар.
"Христиан лидерләринин Шиәләрин гәтлиамы гаршысындакы биабырчы сүкуту, мәни бир христиан олараг нараһат едир. Мәҝәр Мәсиһ сүкут едәҹәкди!" - дејә Омокри билдириб.
"Мән шиәләрә гаршы едилән бу гаршыдурманын даһа да ҝәрҝинләшмәмәси үчүн бүтүн ниҝеријалылары дуа етмәјә сәсләјирәм. Јадда сахлајын ки, тарих тәкрарланмыр, инсанлар тарихи тәкрарлајырлар", - дејә пастор Омокри әлавә едиб.
Диггәт: Хәбәрдән истифадә етдикдә мәнбәјә истинад лазымдыр
