Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Челјабинск вилајәтинин Миасс шәһәриндә бычаг илә атасыны јаралајан вә анасыны өлдүрән 15 јашлы јенијетмәјә гаршы ҹинајәт иши ачылыб.
Бу барәдә мәлумат Русијанын Истинтаг Комитәсинин вилајәт идарәсинин сајтында јерләшдирилиб.
“Һәбс-гәтимкан тәдбири сечилмәси вә иттиһамын ирәли сүрүлмәси мәсәләсинә бахылыр”, - пресс-релиздә билдирилиб.
Русија Федерасијасы Ҹинајәт Мәҹәлләсинин 105-ҹи маддәсинин 1-ҹи бәнди үзрә (Гәтл) ҹинајәт иши ачылыб.
Истинтаг комитәсинин мәлуматына әсасән, ҹинајәтә сәбәб аилә-мәишәт зәмининдә јаранмыш мүбаһисә олуб.
LifeNews телеканалынын мәлуматына әсасән, јенијетмә мәктәбдә дәрсләриндән ики алыб. Бунун үчүн валидејнләри она онлајн-ојун World of Warcraft ојнамағы гадаған едибләр.
Һәмишә мүлајим давранышы вә јахшы гијмәтләри илә фәргләнән оғлан бундан гәзәбләнәрәк бычағы ҝөтүрүб бир нечә дәфә анасына вә атасына бычаг зәрбәләри вуруб.
Төрәтдији әмәлдән сонра о, ҝөлүн саһилинә ҝедиб, онун орада интиһар етмәк истәдији еһтимал едилир. Полисләр ҝејими ган ичиндә олан оғланы ҝөл гырағында сахлајыблар.
P.S: Валидејнләрдән хаһиш олунур ки, өвладлары копјутер хәстәлијинә дүчар олмамышдан өнҹә онлары бу алудыычиликдән горусунлар.
Диггәт: Хәбәрдән истифадә етдикдә мәнбәјә истинад лазымдыр
5 oktyabr 2015 - 16:23
Xəbər kodu: 713768
P.S: Валидејнләрдән хаһиш олунур ки, өвладлары копјутер хәстәлијинә дүчар олмамышдан өнҹә онлары бу алудыычиликдән горусунлар.
