Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Санксиjаларын ләғв авропалыларын Иран базарына дахил олмаг иштаһасыны артырыб
Бир Франса нәшри Иран әлеjһинә санксиjаларын ләғви еһтималы вә бир чох өлкә, хүсусилә дә авропалыларын Иранын мараглы базарына дахил олмаг үчүн мараг ҝөстәрдикләринә тохунараг билдириб: Игтисадиjjатчылар Иран базарыны, беjнәлхалг санксиjаларын тәтбиг олунмасына бахмаjараг, игтисади ҹәһәтдән өнәмли базар һесаб едир вә бу гәнимәлти фүрсәтдән истифадә етмәк арзусундадырлар.
Франсанын Трибун Де Женев нәшри бир мәгаләдә билдириб: Иранын нүвә програмы барәдә тарихи Лозанна анлашмасындан тәхминән 3 һәфтәнин кечмәси илә нүвә мүзакирәчиләри өтән һәфтә Вjанада бир араjа ҝәлдиләр ки, jекун анлашманын тәфәррүатына дахил олсунлар. Иран әлеjһинә санксиjаларын ләғви еһтималыны ҝүҹләндирән мүрәккәб мүзакирәләр Иран базарына ахын етмәк истәjән бир групу һәрәкәтә ҝәтириб вә онларын иштаһасыны артырыб. Иран дүнjанын илк газ jатагларына, дүнjанын 4-ҹү нефт jатагларына, 9-ҹу мис jатагларына вә 11-ҹи даш-дәмир jатагларына малик өлкәдир вә jүксәк әһәмиjjәтә саһибдир. Авропалылар арзу едирләр ки, Русиjаjа енержи асылылығыны арадан галдырмаг үчүн ҝәләҹәкдә Иран газындан фаjдалансынлар. Белә ки, Алманиjа, Франса, Италиjа, Испаниjа, Полша вә Чехиjа Республикасындан һеjәтләр бир-биринин ардынҹа, бәзиләринин ССРИ-инин дағылмасындан сонра Русиjа базарына гәфил ачылыма бәнзәтдикләри бу гәнимәтли фүрсәти итирмәмәк үчүн Теһрана jолланырлар.
Диггәт: Хәбәрдән истифадә етдикдә мәнбәjә истинад лазымдыр
